ساٿر
ساٿر
ساٿر (Origanum Vulgare): هي هڪ خوشبودار ٻوٽو آهي، جنهن جا ٻه قسم ٿين ٿا: (1) سفيد ساٿر ۽ (2) ڪاري ساٿر. ساٿر جو اصل وطن يورپ ۽ وچ ايشيا آهي. هيءَ جڙي ٻوٽي مختلف کاڌن ۽ دوائن ۾ ڪم اچي ٿي. هي آرام ڏيندڙ ۽ سُور کي ٺاريندڙ پسارڪو وکر آهي، جيڪو مختلف بيمارين لاءِ دوائن ۾ ڪم ايندو آهي. سنڌ ۾ ڦٽ ڦرڙيءَ لاءِ ساٿر لُپري (Poulticve) تيار ڪرڻ ۾ ڪم اچي ٿي. ساٿر، جيوڙي مار، پيٽ جي علاج ۽ ساهه کڻڻ ۾ رڪاوٽ جي علاج طور به ڪم ايندي آهي.
شاهه لطيف ڀٽائيءَ جي ڪيترن بيتن ۾ ’ساٿر‘ لفظ ڪم آيو آهي، جهڙوڪ:
ساٿر صحبت سپرين، آهي نه آزار،
مجلس وير مٺو ٿيين، ڪوٺيندي قهار،
خنجر تنهن خوب هڻي، جنهن سين ٿيين يار،
ساجن رب ستار، سوجهي رڳون ساهه جون!
(سر يمن ڪلياڻ)
لفظ ساٿرھيٺين داخلائن ۾ پڻ استعمال ٿيل آھي