ٽريور (ٻارهون ڪمشنر ):هي صاحب سال 1887ع جي وچ ڌاري ڪراچيءَ ۾ آيو ۽ سنڌ جو ڪمشنر ٿيو. شروع ۾ مسٽر مور صاحب ۽ پوءِ مسٽر جيڪسن صاحب سندس اسسٽنٽ هئا. سرڪاري معاملن جي سرانجامي وڏي عقلمندي ۽ ڌيرج سان، دستور ۽ معمول مطابق سهڻي نموني ڪيائين، پر سندس حڪومت جو زمانو مختصر هو، جنهنڪري سندس ڪي وڏيون ڪارگذاريون ڪونه آهن. البت سندس ايامڪاريءَ ۾ جيڪب آباد ۽ لاڙڪاڻي جي بلوچ قبيلن جي جدا جدا جاگيرادرن کي جاگيرن جون سَندون عطا ڪيون ويون. ٽريور صاحب کي سندس بهترين ڪارگذاريءَ سبب ڪلڪتي ڪائونسل جو ميمبر مقرر ڪيو ويو هو.