آنند: موسيقيءَ جي ڪي بورڊ ماسٽر آنند، هارمونيم نواز شمبوءَ جي گهر، ڪينٽومينٽ ڪالوني، حيدرآباد ۾ 14 ڊسمبر 1979ع تي پيدا ٿيو. مئٽرڪ ڪرڻ کان پوءِ 16 سالن جي ڄمار ۾ علم موسيقي سکڻ جي شروعات ڪئي. شروع ۾ سندس والد شمبو کيس هارمونيم سيکاريو ۽ ڪي بورد جي سکيا ذيشان عالم ڏني. هن پھريون اسٽيج ميوزڪ فنڪشن پاڪستان جي معروف سنگر عارف انصاري سان گڏجي ڪيو. هڪ ڪلاسڪ ميوزڪ بينڊ پڻ آنند جي سرپرستيءَ ۾ حيدرآباد ۾ قائم آهي. سنڌ ٽي. وي، ڌوم چئنل ۽ ريڊيو پاڪستان حيدرآباد تي سنڌ جي نامور راڳين سان ڪي بورڊ وڄائي چڪو آهي. ميوزڪ ڪمپوزيشنز لاءِ مرحوم استاد امانت گل کان پڻ تربيت حاصل ڪئي. پاڪستان جي نامور گلوڪارن: حميره چنا، صنم ماروي، ديبا ڪنول، حيدر علي خان، سلمى فوزيه، علي ظفر، نعيم عباس روفي، حسن جھانگير ۽ ٻين ڪيترن ئي فنڪارن سان ڪي بورڊ وڄائي چڪو آهي. انهن سازن کان علاوه هارمُونيم ۽ طبلي جي سکيا پنھنجي چاچي هزاري خان کان ورتي.
1979.12.14 عيسوي
ڪي بورڊ ماسٽر آنند، هارمونيم نواز شمبوءَ جي گهر ، ڪينٽومينٽ ڪالوني، حيدرآباد ۾ 14 ڊسمبر 1979ع ۾ پيدا ٿيو.