پيرل فقير ’خوشدل‘ ستاري: پيرل فقير ذات جو مڱريو هو ۽ 1884ع ڌاري ڳوٺ ويِهڙ ضلعي نوشهري فيروز ۾ پيدا ٿيو. هن صوفي عبدالستار، جهوڪ شريف واري کان فيض حاصل ڪيو. ڪجهہ عرصو ويهڙ ۾ گذارڻ کان پوءِ اڪ تڙ، سيوهڻ، بازيد پور ۽ ٺارو شاھہ ۾ اچي رهيو. پيرل فقير درويش صفت ماڻهو هو، هن کان جن ماڻهن فيض حاصل ڪيو، تن ۾ محمد خان جتوئي، رمز علي خاصخيلي (نوان جتوئين وارو)، علي بخش کوسو قابلِ ذڪر آهن. پيرل فقير کي غريبن ۽ مسڪينن سان وڏي محبت هوندي هئي. هن هڪ يتيم ٻار گل حسن جي پرورش بہ ڪئي. نوان جتوئيءَ ۾ 1941ع ڌاري آيو ۽ اتي ئي 1951ع ۾ وفات ڪيائين. مرشد ۽ شاعر هئڻ ڪري پاڻ کي ’خوشدل‘ سڏرائيندو هو، سندس ڪلام ڇپيل آهي. سندس مزار تي هر سال راڳ ٿيندو آهي. سندس درگاھہ پراڻا جتوئيءَ لڳ ڳوٺ ’مَٺي‘ ۾ موجود آهي. جنهن ۾ محمد فقير هيسباڻي ۽ سيد صابن شاھہ بہ آرامي هئا، پر اهو ڳوٺ ۽ قبرستان درياھہ پائي ويو.
1884.00.00 عيسوي
پيرل فقير خوشدل ستاري 1884ع ڌاري ڳوٺ ويِهڙ ضلعي نوشهري فيروز ۾ پيدا ٿيو
1951.00.00 عيسوي
پيرل فقير خوشدل ستاري 1951ع ۾ وفات ڪئي