سورج سجاولي

سورج سجاولي: مشھور شاعر ۽ سياسي اڳواڻ ذوالفقار علي سرويچ ولد محمد صديق ”سرويچ سجاولي“، ادبي ميدان ۾ ’سورج سجاولي‘ جي نالي سان مشھور هو. 24 نومبر 1972ع تي پنھنجي ڳوٺ ابراهيم تارڙو (سرويچ نگر) لڳ سجاول ۾ ڄائو. هاءِ اسڪول سجاول ۾ استاد ٿي رهيو. ادبي دنيا ۾ شاعر، مضمون نگار ۽ صحافي طور سڃاتو ويو. هو سنڌي ادبي سنگت شاخ سجاول جو 8 سال سيڪريٽري ٿي رهيو. سياسي ۽ علمي ادبي پروگرامن ۾ ڪمپيئرنگ بہ ڪئي. هو سياسي حوالي سان پاڪستان پيپلز پارٽيءَ سان وابستہ هو ۽ سجاول ضلعي جو اڳواڻ رهيو. ڪورونا جهڙي موذي مرض ۾ مبتلا ٿيڻ کان پوءِ 8 آگسٽ 2021ع تي سجاول ۾ وفات ڪئي.

داخلا ۾ استعمال ٿيل تاريخون

1972.11.24  عيسوي

مشھور شاعر ۽ سياسي اڳواڻ ذوالفقار علي سرويچ ولد محمد صديق ”سرويچ سجاولي“، ادبي ميدان ۾ ’سورج سجاولي‘ جي نالي سان مشھور هو. 24 نومبر 1972ع تي پنهنجي ڳوٺ ابراهيم تارڙو (سرويچ نگر) لڳ سجاول ۾ ڄائو.

2021.08.08  عيسوي

سورج سجاولي ڪورونا جھڙي موذي مرض ۾ مبتلا ٿيڻ کان پوءِ 8 آگسٽ 2021ع تي سجاول ۾ وفات ڪئي.

شاعر - ڀاڱي جون ٻِيون داخلائون