تصويرون ۽ عنوان

سنڌيانا ۾ موجود تصويرون ۽ انهن جا عنوان پڻ ڏسي سگھو ٿا

تاريخ وار ترتيب

سنڌيانا ۾ موجود مضمونن کي حوالي طور تاريخ وار رکيو ويو آهي

موضوع وار ترتيب

سنڌيانا ۾ موجود مضمونن کي موضوع وار ترتيب ۾ رکيو ويو آهي

الف بي وار ترتيب

سنڌيانا ۾ موجود مضمونن کي الف ب وار ترتيب ۾ رکيو ويو آهي

2026-08-12 عيسوي تاريخ ۾

هجري تاريخ ۾

* بشير خان قريشي (سياستدان)

* مير علي نواز خان ٽالپر (شاعر)

* ٻوٽن وارا چٽ (قديم آثار)

* آدم خان رند (سياستدان)

* اپٻيٽ (ڌرتي)

* اپگره (فلڪيات)

* آنڊو (انساني جسم)

* شيخ اياز (شاعر)

* خواجہ محمد اشرف ويهڙائي (مذهبي شخصيت)

انسائيڪلوپيڊيا سنڌيانا

سنڌي زبان جي تاريخ ۾، سنڌ بابت پهريون جامع ۽ باتصوير دستاويز ’انسائيڪلو پيڊيا سنڌيانا‘ جي صورت ۾ آگسٽ 2009ع ۾ ڇپجي پڌرو ٿيو. جنهن جا هن وقت تائين 13جلد ڇپجي پڌرا ٿي چڪا آهن، جڏهن تہ جلد چوڏھون پڻ تياريءَ جي آخري مرحلن ۾ آهي. هن اهم رٿا جو ابتدائي خاڪو تہ 1998ع ۾ جڙيو پر ان کان اڳ سنڌي ٻوليءَ جي با اختيار اداري جي قيام بعد 1991ع کان ئي اهڙي رٿا تي سوچ ويچار جو سلسلو شروع ٿيو هو. بعد ۾ ڊاڪٽر تنوير عباسيءَ هن رٿا جوابتدائي خاڪو تيار ڪيو ۽ 1998ع ۾ سنڌي ٻولي اٿارٽيءَ جي تڏهوڪي چيئرمين ڊاڪٽر غلام علي الانا باقائدي ريسرچ سيل ٺاهي نامور استاد ۽ عالم شيخ محمد اسماعيل کي انچارج مقرر ڪري نوجوان ريسرچرن جي ٽيم ترتيب ڏني. انهيءَ سلسلي ۾ سنڌ جي هر ضلعي ۾ اديبن ۽ سهڪاري ساٿين کي بہ مواد ۽ تصويرن وغيرہ جي سهڪار لاءِ خط لکيا ويا. ايڊيٽوريل بورڊ ۾ جناب محمد ابراهيم جويو، ڊاڪٽر فھميدہ حسين ، ڊاڪٽر ﷲ رکيو ٻُٽ، امداد حسيني، ڊاڪٽر شمس الدين تنيو ۽ تاج جويو شامل هئا. پهرئين جلد جو ڪم لڳ ڀڳ پورو ٿيو پر اهو ڇپائي جي مرحلي کان رهجي ويو، ڇاڪاڻ تہ 2001ع ۾ ڊاڪٽر غلام علي الانا جي وڃڻ بعد هن اسڪيم تي ڪم بند ٿي وي..... وڌيڪ پڙهو

** مير ابوالبقا بهرور علي سبزواري **

مير ابوالبقا بهرور علي سبزواري : سيد مير ابوالبقا بهرور علي سبزواري، ٺٽي شھر ۾ آباد هو. سندس ڏاڏو سبزواري مير عبدالله سلطان دراصل شاھجھان بادشاھہ جو خاص مقرب هو. مير عبدالله جو ڏاڏو مير غياث الدين ’حبيب السير‘ جي مصنف خواند مير جو پوٽو ۽ سلطان جنيد صفويءَ جو ڏوهٽو هو. مير ابوالبقا بهرور علي ابتدائي تعليم ٺٽي جي نامور عالمن کان ورتي. سندس والد مير عبدالرحمٰن سبزواريءَ سندس تربيت ۾ ڪا بہ ڪسر نہ ڇڏي. پنهنجن وڏن وانگر مير بهرور علي عالم ۽ فاضل هجڻ سان گڏوگڏ وڏو شاعر هو ۽ شاعريءَ ۾ ’بهرور‘ تخلص استعمال ڪندو هو. هي مير حيدرالدين ابوتراب ڪامل جهڙي جيد عالم ۽ فاضل جو شاگرد هو. ان کانسواءِ هن هڪ ڪتاب ’تاريـخ چــراغ هـدايت المعـروف بہ بهـرورشـاهــي‘ نالي لکيو، جيڪو صوفي شاھہ عنايت شھيد جي شهادت جو سڀ کان پهريون قديم تاريخي ماخذ آهي، جنهن ۾ صوفي شاھہ عنايت جي شهادت جو تفصيلي احوال ملي ٿو. مير ابوالبقا بهرور عليءَ جي اها تصنيف دراصل چوڏهن معصومين عليهم السلام جي سوانح حيات تي مشتمل آهي، پر آخري ٻن بابن مان هڪ ۾ سبزرواري سيدن جو احوال آهي ۽ آخري باب ۾ ٻين عبرتناڪ واقعن سان گڏ صوفي شاھہ عنايت شھيد ....وڌيڪ پڙهو