داخلا نمبر 3477
عنوان بنگلاديش
شاخ ملڪ
پڙهيو ويو 562 ڀيرا
داخلا جو حوالو انسائيڪلوپيڊيا سنڌيانا جلد پهريون
نقشو

نقشو

راڄڌاني

راڄڌاني

بنگلاديش

بنگلاديش: اوڀر بنگال جي هيءَ رياست 1905ع ۾ ڀارت جي اولهه بنگال کان ڌار ٿي، ۽ ٻيهر 1911ع ۾ ساڳيءَ رياست سان شامل ٿي. 1947ع کان پوءِ اولهه بنگال ڀارت جي حصي ۾ آيو ۽ اوڀر بنگال، اوڀر پاڪستان جي نالي سان پاڪستان جو حصو بنيو. جيئن ته اولهه پاڪستان ۽ اوڀر پاڪستان ۾ هڪ هزار ميلن جو مفاصلو هو ۽ ٻوليون مختلف هيون ۽ ثقافت ۽ سياسي ۽ اقتصادي مفاد به مختلف هئا، ان ڪري ٻنهي حصن ۾ اختلاف چوٽ چڙهي ويا ۽ نتيجي ۾ اوڀر پاڪستان 1971ع ۾ ڀارت جي مدد سان مغربي پاڪستان کان ڌار ٿي ويو. ان جو پوءِ نئون نالو ’بنگلاديش‘ رکيو ويو. هيءُ ڏکڻ ايشيا جو ملڪ آهي، جنهن جو پهريون صدر شيخ مجيب الرحمان هو. هن ملڪ جو سرڪاري نالو عوامي جمهوريه بنگلاديش آهي. آباديءَ جي لحاظ سان اسلامي دنيا جو ٻيو نمبر وڏو ملڪ، هندي سمنڊ ۽ هماليه جي ٽڪرين جي وچ تي واقع آهي. هن جي ڏکڻ، اوڀر ۽ اولهه ۾ ڀارت، خليج بنگال ۽ برما جا ملڪ آهن. بنگلاديش جي گاديءَ جو هنڌ ڍاڪا آهي ۽ ٻيا مشهور شهر چٽا گانگ، سلهٽ، ڪوميلا، راج شاهي ۽ رنگ پور آهن. هتي 98 سيڪڙو بنگالي ۽ باقي بهاري ۽ ٻيون قومون آباد آهن. سرڪاري ٻولي بنگالي ۽ ٻئي نمبر تي انگريزيءَ کي حيثيت حاصل آهي. بنگلاديش ۾ سرڪاري مذهب اسلام آهي، جڏهن ته هندو، ٻڌ ڌرم ۽ عيسائي مذهبن جا پيروڪار به هتي آباد آهن. ڪرنسيءَ جو نالو ٽڪا آهي. وسيع ميداني علائقي تي ڦهليل هن ملڪ ۾ ڪيترين ئي ندين ۽ وڏن واهن جو ڄار وڇايل آهي. ”گنگا“، ”پدما“، ”برهمپترا“، ”جمنا“ ۽ ”ميگهنا“ نديون اتر طرف هلي، دنيا جو وڏي ۾ وڏو ڊيلٽا ٺاهين ٿيون. هتي مارچ ۽ جون مهينن ۾ گرمين دؤران وڏا طوفان ايندا رهندا آهن. بنگلاديش جي پهرئين صدر شيخ مجيب کي 1975ع ۾ خوني حملي کان پوءِ خاندان سميت شهيد ڪيو ويو. ان کان پوءِ ملڪي حالتون خراب هئڻ سبب مارشل لا لاڳو ڪيو ويو. ان کان سواءِ هيءُ ملڪ 1977ع ۽ 1982ع ۾ به مارشل لا هيٺ رهيو. 1986ع ۾ ملڪ جو آئين بحال ڪيو ويو. 1992ع ۾ جمهوريت جي بحاليءَ لاءِ عوام روڊن تي نڪتو ته وڏي خونريزي ٿي. هتي پارليامينٽ ۾ عورتن جي 30 سيٽن سميت 300 سيٽون آهن ۽ هر پنجين سال ميمبر چونڊيا ويندا آهن. بنگلاديش جي ملڪي آمدنيءَ جو 85 سيڪڙو زراعت تي مدار رکي ٿو. هتي جا مکيه فصل چانور، سڻي، چانهه، تماڪ ۽ ڪمند آهن. دنيا ۾ استعمال ٿيندڙ 80 سيڪڙو چانهه بنگلاديش ۾ پيدا ٿئي ٿي. هتي ڪاغذ، اليومينم، ڌاڳو، شيشو، مڇي، ڪوئلو ۽ چن جو پٿر وڏي تعداد ۾ ملي ٿو. ان کان سواءِ هتي قدرتي گئس جا پڻ وڏا ذخيرا موجود آهن .


لفظ بنگلاديش هيٺين داخلائن ۾ پڻ استعمال ٿيل آهي
آبادِي
بانس
ٻٽي
استاد محمد جمن
ٻوڏ
اسراج
برما
برهمپترا
احمد علي شاهه ڊاڪٽر
اختر حميد خان
انناس
ايشيا
انور پيرزادو
آئين
آغا خان فائونڊيشن
بينظير ڀٽو شهيد
آغا محمد يحييٰ خان
بلوچ هدايت
بن
بنگالي
بنگلاديش
اوٺي1
اوريا اُڙيا
ارونا حسين
آصف قاضي
ڀارت ناٽيم
ڀاشاني عبدالحميد خان
تلور
تميزالدين مولوي
تنڪو
ڀٽو ذوالفقار علي شهيد
تسليما نسرين
ٽالهي
ٽئگور رابندرناٿ
تبليغي جماعت
ٿيليسيميا
تانسو چلر
جل مشعل جل
جان محمد عباسي مولانا
جاويد قاضي
پارسي ٻولي
پاڪستان
پاڪستان پيپلز پارٽي
پان
جمهوريت
ڄرڪو (Wallago Attu)
چانور (Rice)
چانهه/ چاري پکي
چترا سنگهه
چٽگانگ
چماري
چنا، منير احمد
حسينا واجد شيخ
حڪيم، محمد صالح ڪانڌڙو
حڪيم ميان معين الدين کنياروي
حمودالرحمان ڪميشن
خواجه، خواجا،کوجا
خورشيد حسن، شيخ
دبئي فيسٽيول
دراوڙ لوڪ
درزي وڏو
هن صفحي کي شيئر ڪريو

هن داخلا لاءِ تاريخ جا حوالا موجود نه آهن

ملڪ - ڀاڱي جون ٻِيون داخلائون

باگڙ ديس
بحرين
اسرائيل
افغانستان
برطانيا
برما
انڊيا
انگلنڊ
اردن
ايران
ملڪ ڀاڱي جا وڌيڪ مضمون