سومرو محمد حـسيـن

محمد حسين سومرو: محمد حسين ولد محمد صديق سـومـرو، 14 ڊسمبر 1950ع تي ڳوٺ جهلي ڪلواڙي ضلعي شڪارپور ۾ ڄائو. سندس تعليم ايم. اي پوليٽيڪل سائنس، ايم. اي اسلامڪ ڪلچر ۽ بي. ايڊ آهي. 1971ع ۾ پرائمري استاد جي حيثيت سان سرڪاري نوڪري ڪيائين، 1982ع ۾ ايڇ. ايس. ٽي ٿيو ۽ ڪميشن جو امتحان ڏيڻ بعد 1984ع ۾ ليڪچرر ٿيو، جتان 2010ع ۾ ائسوسيئيٽ پروفيسر جي عهدي تان رٽائر ڪيائين.پروفيسر محمد حسين سومرو استادن جي تنظيم ’تنظيم اساتذہ‘ سان واڳيل رهيو. استادن جي تنظيم جو سيڪريٽري ۽ صوبائي صدر بہ رهيو آهي. هن وقت ’حرى اسڪول شڪارپور‘ جو پرنسپل ۽ ‘حرى نيشنل ايجوڪيشن فائونڊيشن سنڌ‘ جو ڊائريڪٽر آهي. پروفيسر محمد حسين سومرو هڪ سٺو اديب آهي. سندس شايع ٿيل ڪتابن ۾: (1) ’انسان جو ناحق قتل‘(ترجمو)، (2) ’اسلامي نظريہ تعليم‘ (ترجمو)، (3) ’جديد فڪر جو چئلينج ۽ استاد‘، (4) ’اسلامي ۽ جديد تدريسي طريقن جو تقابلي جائزو‘، (5) ’تقوى راھہ نجات‘ (اردوءَ ۾ سورة البقرہ جي پهرين ٻن رڪوعن جو تفسير) شامل آهن.

داخلا ۾ استعمال ٿيل تاريخون

1950.12.14  عيسوي

محمد حسين ولد محمد صديق سـومـرو، 14 ڊسمبر 1950ع تي ڳوٺ جھلي ڪلواڙي ضلعي شڪارپور ۾ ڄائو.

شخصيتون - ڀاڱي جون ٻِيون داخلائون