’دردي‘ صاحب خان جروار: نامياري شاعر صاحب خان دردي ولد محمد بخش جروار پهرين اپريل 1927ع تي ڳوٺ جھان خان جروار، تعلقي رتيديري، ضلعي لاڙڪاڻي ۾ جنم ورتو.
صاحب خان درديءَ جي تعليم سنڌي فائنل هئي. هو پيشي جي لحاظ کان پرائمري استاد هو. صاحب خان ’دردي‘ راڳ جو وڏو پارکو هو ۽ جوانيءَ دوران راڳ ڳائيندو هو. راڳ ڳائڻ جي ڪري اڳتي هلي کيس شاعريءَ جو پڻ شوق پيدا ٿيو.
صاحب خان ’دردي‘ جي شاعريءَ جا اهم موضوع مذهب ۽ مجاز هئا. هو ٻنهي حوالن سان پنھنجي دؤر جو هڪ برجستو شاعر ٿي گذريو آهي. دردي، فقير طبع انسان هو. هر هڪ سان پيار ۽ خلوص سان پيش ايندو هو ۽ پنھنجي دؤر جو هڪ فرض شناس استاد بہ هو.
صاحب خان جروار ’درديءَ‘ جي شاعريءَ جو هڪ مجموعو 1992ع ۾ سندس وفات بعد ’ديوان دردي‘ جي نالي سان شايع ٿيو آهي.
صاحب خان ’دردي‘ 10 اپريل 1992ع تي 65 سالن جي ڄمار ۾ وفات ڪئي.
1927.04.01 عيسوي
نامياري شاعر صاحب خان دردي ولد محمد بخش جروار پهرين اپريل 1927ع تي ڳوٺ جهان خان جروار، تعلقي رتيديري، ضلعي لاڙڪاڻي ۾ جنم ورتو.
1992.04.10 عيسوي
صاحب خان ’دردي‘ 10 اپريل 1992ع تي 65 سالن جي ڄمار ۾ وفات ڪئي.