سامتاڻي گُنو
گنو سامتاڻي
گنو سامتاڻي: گنو سامتاڻي، 13 جولاءِ 1934ع ۾ حيدرآباد سنڌ ۾ ڏيالداس سامتاڻيءَ جي گهر ۾ جنم ورتو. گني سامتاڻيءَ جا وڏا اصل سيوھڻ شريف جا ھئا. گنو سامتاڻي 14 ورھين ۾ جنوري 1948ع ئي پنھنجي ڪٽنب سان گڏ سنڌ ڇڏي، الھاس نگر ۾ وڃي رھيو. ھن سنڌ نئشنل اسڪول مان 1951ع ۾ مئٽرڪ ڪئي جتي موھن ڪلپنا ۽ نارائڻ ڀارتي سندس ڪلاسي ھئا. گنو ڪجهه وقت ڪلياڻ ڪئمپ ۾ رھيو ۽ پوءِ بمبئي ھليو ويو. بمبئي يونيورسٽيءَ مان بي.اي (آنرس) ڪيائين.گني مھاراشٽر حڪومت ۾ ملازمت شروع ڪئي ۽ اھم عھدي سيڪريٽريءَ تان رٽائرڊ ٿيو. گنو سامتاڻي، مھاراشٽر رياست جي سنڌي ساھتي اڪيڊميءَ جي قيام کان 1995ع تائين سيڪريٽري رھيو. ھي سنڌي ٻولي ساھت سڀا جو به جنرل سيڪريٽر ي رھيو. سندس ڪھاڻيون ڀارت جي ڪيترن ئي ٻولين ۾ ترجمو ٿيون. گني جو ھڪ ناول ’واپس‘ (1957ع)، ڪھاڻين جا ٻه مجموعا ’اپمان‘ (1965ع) ۽ ’اپرا جتا‘ 1970ع ڇپيا. سنڌ ۾ مدد علي سنڌيءَ سندس ڪھاڻين جو ’ڪليات‘، ’ھڪ راهه ھڪ پٿر‘ جي عنوان سان 2023ع ۾ ڪويتا پبليڪيشرز حيدرآباد پاران ڇپائي پڌرو ڪيو آھي. ھن پنھنجي آخري لکيل ڪھاڻي ’پڙاڏو‘ ۾ پنھنجي ماضيءَ يعني حيدرآباد جي ناسٽيلجيا بيان ڪئي آھي. هي ڪھاڻيڪار 17 آگسٽ 1997ع تي ممبئي ۾ ديھانت ڪري ويو.
لفظ گنو سامتاڻي ھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1934.07.13 عيسوي
گنو سامتاڻي، 13 جولاءِ 1934ع ۾ حيدرآباد سنڌ ۾ ڏيالداس سامتاڻيءَ جي گهر ۾ جنم ورتو.
1997.08.17 عيسوي
گنو سامتاڻي 17 آگسٽ 1997ع تي ممبئي ۾ ديھانت ڪري ويو.
اديب - ڀاڱي جون ٻِيون داخلائون
روپ ڪمار گهايلعلي ڏنوعاجز لنڊ
رضوي وقار احمد ڊاڪٽر
بيدل مسرور
محمد حسين اعواڻ ڪروڙ پتي
رسول بخش ٻگهيو گچيرائي
گوبند پنجابي
آنند کيماڻي
رُڪمڻي سندر چئناڻي
شاهد احمد دهلوي