گلشن لغاري

گلشن لغاري: گلشن لغاري پھرين جولاءِ 1965ع تي نبي سر روڊ، تعلقي ڪنريءَ جي هڪ ننڍڙي ڳوٺ ۾ جنم ورتو. ھن جو والد غلام حيدر ۽ چاچو غلام محمد لغاري قومي سياست ۽ سنڌي هاري ڪميٽيءَ سان سلھاڙيل رهيا. سندس تعليم ايم. اي سنڌي، ايم. اي سوشالاجي ۽ ايل. ايل. بي آهي. ھن شروع ۾ اخبارن لاءِ ڪالم لکيا، پر پوءِ ھن جو لاڙو شاعريءَ ڏانھن ٿيو. سندس شاعريءَ جو مجموعو ’وڇڙي ويل زندگي‘2009ع ۾ ڇپجي چُڪو آهي. گلشن پنھنجي زندگيءَ جو پھريون شروعاتي دؤر قومي سياست ۾ گذاريو، اُن بعد ھن مختلف اين. جي اوز، سنڌي لئنگئيج اٿارٽي ۽ مختلف صحافتي ادارن ۾ به ڪم ڪيو. سنڌ ايڪسپريس ۾ ھن عورتن لاءِ ’جيڏيون‘ ۽ ’ڏات جو ڏيھه‘ صفحا سنڀاليا.

داخلا ۾ استعمال ٿيل تاريخون

1965.07.01  عيسوي

گلشن لغاري پھرين جولاءِ 1965ع تي نبي سر روڊ، تعلقي ڪنريءَ جي هڪ ننڍڙي ڳوٺ ۾ جنم ورتو.

شخصيتون - ڀاڱي جون ٻِيون داخلائون