ڪنور نويد جميل

ڪنور نويد جميل: ڪنور نويد ولد ڪنور جميل احمد 15 مارچ 1964ع تي ڪراچيءَ ۾ ڄائو. جناح لا ڪاليج حيدرآباد مان ايل. ايل. بي جي ڊگري حاصل ڪيائين. 1990ع جي چونڊن ۾ پھريون ڀيرو قومي اسيمبليءَ جو ميمبر چونڊيو ويو. 2002ع جي عام چوندن ۾ صوبائي تڪ پي. ايس 106 (ڪراچي- XVIII) تان ايم. ڪيو. ايم جي اميدوار طور سنڌ اسيمبليءَ جو ميمبر ٿيو. 2005ع ۾ کيس حيدرآباد ضلعي جو ميئر چونڊيو ويو. 2015ع جي ضمني چونڊن ۾ قومي اسيمبليءَ جي تڪ 246 (ڪراچي- VIII) تان قومي اسيمبليءَ جو ميمبر ۽ 2018ع جي چونڊن ۾ ڪراچي سينٽرل (7) جي تڪ پي. ايس 127 تان ايم. ڪيو. ايم جي اميدوار طور صوبائي اسيمبليءَ جو ميمبر چونڊيو ويو. ايم. ڪيو. ايم پاران سنڌ اسيمبليءَ ۾ پارلياماني ليڊر بہ رهيو. 17 آگسٽ 2023ع تي برين هيمرج سبب ڪراچي جي نجي اسپتال ۾ وفات ڪئي.

داخلا ۾ استعمال ٿيل تاريخون

1964.03.15  عيسوي

ڪنور نويد ولد ڪنور جميل احمد 15 مارچ 1964ع تي ڪراچي ۾ ڄائو.

2023.08.17  عيسوي

ڪنور نويد جميل 17 آگسٽ 2023ع تي برين هيمرج سبب ڪراچي جي نجي اسپتال ۾ وفات ڪئي.

شخصيتون - ڀاڱي جون ٻِيون داخلائون