چانڊيو، عبدالله خان ’همدم‘: شاعر عبدالله خان ’همدم‘ ولد محمد يوسف چانڊيي، 8 مئي 1914ع تي ميهڙ شهر، ضلعي دادوءَ ۾ جنم ورتو. سندس وڏا اصل غيبي ديري جا رهاڪو هئا. ابتدائي تعليم ۽ مئٽرڪ ميهڙ مان ڪيائين. ان کانپوءِ بمبئي يونيورسٽيءَ پڙهڻ ويو، جتان 1934ع ڌاري واپس وريو. 1942ع ڌاري سب رجسٽرار مقرر ٿيو. گهڻو عرصو تعلقي رتيديري ۾ ملازمت ڪيائين. کيس شاگرديءَ واري دؤر کان شاعريءَ جو شوق هو. نوڪري ملڻ کانپوءِ شاعريءَ جو آغاز ڪيائين. شاعريءَ جي سڀني صنفن تي طبع آزمائي ڪيائين. شاعريءَ ۾ ’همدم‘ تخلص ڪتب آڻيندو هو. سندن شاعريءَ جو مجموعو ’ارمغان همدم‘ ڇپيل آهي. هو ’بزم اڪبر‘ ميهڙ جو صدر بہ رهيو. هن ستين سيپٽمبر 1988ع ۾ وفات ڪئي.
1914.05.08 عيسوي
شاعر عبدالله خان ’همدم‘ ولد محمد يوسف چانڊيي، 8 مئي 1914ع تي ميهڙ شهر، ضلعي دادوءَ ۾ جنم ورتو.
1988.09.07 عيسوي
عبدالله خان ’همدم‘ستين سيپٽمبر 1988ع ۾ وفات ڪئي.