پيرزادو رحمت الله

پيرزادو، رحمت ﷲ: هن نوجوان شاعر جو نالو رحمت ﷲ پيرزادو آهي ۽ گيت جي نامياري شاعر مير محمد پيرزادي جو فرزند آهي. هن پهرين فيبروري 1978ع تي سڪرنڊ، ضلعي نوابشاھہ (بينظيرآباد) ۾ جنم ورتو. تعليم ايم. ايس. سي (ايگريڪلچر انجنيئرنگ: 2008) ۽ ايم. اي (سنڌي: 2009) اٿس. هو واٽر مئنيجمينٽ ڊپارٽمينٽ ۾ واٽر مئنيجمينٽ آفيسر آهي. نوجوانن ۾ سٺو شاعر شمار ٿئي ٿو، جديد شاعريءَ بابت سندس ڪافي مقالا مهراڻ، امرتا ۽ ٻين رسالن ۾ شايع ٿيندا رهن ٿا. سندس شاعريءَ جا ٻہ مجموعا ’ڪليسا جي دريءَ مان‘ (2005ع) ۽ ”ڪئنڊل لائيٽ“ (نثري نظم: 2008) ڇپيل آهي.

داخلا ۾ استعمال ٿيل تاريخون

1978.02.01  عيسوي

رحمت الله پيرزادو پهرين فيبروري 1978ع تي سڪرنڊ ضلعي نوابشاهه ۾ جنم ورتو

شاعر - ڀاڱي جون ٻِيون داخلائون