پنھل ڏهر
پنھل ڏهر
پنھل ڏهر: محمد پنھل ڏهر، پھرين جون 1959ع تي ڳوٺ غلام علي ڏهر، تعلقي ڏهرڪي، ضلعي گهوٽڪيءَ ۾ ڄائو. هن شروعاتي تعليم پرائمري اسڪول ڳوٺ حاجي ڪانهيي مان، مئٽرڪ 1975ع ۾ گورنمينٽ پراونشلائيزڊ هاءِ اسڪول ڏهرڪيءَ مان پاس ڪئي، ايم. اي (سنڌي ادب)، شاهه عبداللطيف يونيورسٽي خيرپور مان ۽ ايم. اي مسلم هسٽري 1990ع ۾ ڪئي. محمد پنھل ڏهر 1982ع ۾ پرائمري اُستاد مقرر ٿيو. 1993ع ۾ ليڪچرر ٿيو. سندس پھرين مقرري پاڪستان ڪاليج خيرپور ۾ ٿي. ڪجهه وقت گورنمينٽ گرلس ڊگري ڪاليج ڏهرڪيءَ جو انچارج پرنسپال به رهيو، ان کانپوءِ اسسٽنٽ پروفيسر طور گورنمينٽ ڊگري ڪاليج ميرپور ماٿيلي ۾ پڙهائيندو رهيو. ادب ۾ سندس خاص موضوع تحقيق رهيو. هن ڪلاسيڪي شاعري، شخصيتن ۽ ٻين علمي ادبي موضوعن تي 100 جي لڳ ڀڳ تحقيقي مقالا لکيا، جيڪي ٽماهي ’مھراڻ، ’نئين زندگي‘، ماهوار ’پيغام‘، ’سرمست‘ ۽ ٻين رسالن ۽ اخبارن ۾ ڇپيا. سندس ڇپيل ڪتابن ۾: ’معارف حافظ الملت‘ (حافظ محمد صديق ڀرچونڊيءَ واري جي شخصيت ۽ علمي خدمتون: (1995ع)، ’سرمست‘ ۾ شايع ٿيل مواد جي مڪمل فھرست (2000ع) ۽ ’ڪلام صوفي عثمان فقير لغاري‘ (ترتيب: 2003ع) شامل آهن. هن 11 مئي 2026ع تي وفات ڪئي.
لفظ پنھل ڏهرھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1959.06.01 عيسوي
محمد پنھل ڏهر، پھرين جون 1959ع تي ڳوٺ غلام علي ڏهر، تعلقي ڏهرڪي، ضلعي گهوٽڪيءَ ۾ ڄائو.
اديب - ڀاڱي جون ٻِيون داخلائون
خالد سنڌيرانٽو عبدالقادر
آفتاب نظاماڻي
خالد چانڊيو
رشيده حجاب
غلام قادر سومرو
پوپٽي هيراننداڻي
سيد عبدالحسين موسوي
صبيحا نذير مگسي
سحر انصاري