پنجاب انسٽيٽيوٽ آف لئنگئيج، آرٽ اينڊ ڪلچر

پنجاب انسٽيٽيوٽ آف لئنگئيج، آرٽ اينڊ ڪلچر (PILAAC): هيءُ ادارو 2004ع ۾ سوسائٽيز رجسٽريشن ائڪٽ 1861 تحت وجود ۾ آيو. پنجاب انسٽيٽيوٽ آف لئنگئيج آرٽس انڊ ڪلچر ائڪٽ (2004) ذريعي پنجاب اسيمبليءَ 30 سيپٽمبر 2004ع تي پنجاب حڪومت گزيٽ نوٽيفڪيشن لاڳو ڪيو. هن اداري جو مقصد پنجاب جي ٻولي، فن ۽ تھذيب کي ترقي ڏيڻ آهي. پنجاب جي اڳوڻي وڏي وزير پرويز الاهيءَ جي سربراهيءَ ۾ هن اداري جي قيام لاءِ منصوبو جوڙي هڪ پراجيڪٽ منظور ڪيو ويو، جنهن هيٺ پنجاب انسٽيٽيوٽ آف لئنگئيج، آرٽ اينڊ ڪلچر، پنجابي ٻوليءَ، آرٽ ۽ تھذيب کي هَٿي ڏئي رهيو آهي. هن اداري جي پهرين ڊائريڪٽر ڊاڪٽر شائسته نزهت رهي، جنهن بعد اها ذميواري ڊاڪٽر عباس نجميءَ جي حوالي رهي. هن اداري جي مقصدن ۾ تحقيقي ڪم کي هٿي وٺائڻ، پنجاب جي هنرمندن جي فن کي اجاگر ڪرڻ، پنجاب جي تھذيب ۽ لوڪ ادب کي سهيڙڻ، پنجابي ادب بابت ڪتاب ۽ تحقيقي رسالا شايع ڪرڻ، لائبرري قائم ڪرڻ، صوفي شاعرن جي پيغام کي عام ڪرڻ، پنجابي ٻوليءَ کي سائنس ۽ ٽيڪنالاجيءَ جي ٻولي بنائڻ وغيرہ شامل آهن. هي ادارو پنجابي ٻوليءَ ۾ انسائيڪلوپيڊيا بہ تيار ڪري رهيو آهي.

داخلا ۾ استعمال ٿيل تاريخون

2004.09.30  عيسوي

هيءُ ادارو 2004ع ۾ سوسائٽيز رجسٽريشن ائڪٽ 1861 تحت وجود ۾ آيو. پنجاب انسٽيٽيوٽ آف لئنگئيج آرٽس انڊ ڪلچر ائڪٽ (2004) ذريعي پنجاب اسيمبليءَ 30 سيپٽمبر 2004ع تي پنجاب حڪومت گزيٽ نوٽيفڪيشن لاڳو ڪيو. هن اداري جو مقصد پنجاب جي ٻولي، فن ۽ تهذيب کي ترقي ڏيڻ آهي.

ادارا ۽ تنظيمون - ڀاڱي جون ٻِيون داخلائون