ٻانهو خان شيخ
ٻانھون خان شيخ
ٻانھون خان شيخ: ڀٽ شاھہ، ضلعي مٽياري جو ويٺل بزرگ خان شيخ'>ٻانھون خان شيخ، هڪ عالم شخص هو. هي روينيو کاتي جو رٽائرڊ آفيسر هو. 19 اپريل 1928ع تي ڀٽ شاھہ ۾ ڄائو. شاھہ لطيف جي رسالي سان وڏو شغف رهيس. لطيف سائينءَ جي درگاھہ جي فقيرن جو صحبتي رهيو. ويھہ سال راتين جا اوجاڳا ڪري، هن، فقير محمد ابراهيم جو راڳ ٻڌو ۽ ان جي يادداشت وارو سمورو ڪلام قلمبند ڪرڻ کان پوءِ تمر فقير جي اوطاق ۾ رکيل شاھہ جي گنج (1207 ھہ/ 1792ع جي لکيل)،ميين احمد ڀٽائيءَ جي لکيل رسالي (1304 ھہ/ 1886ع )،ميين محمد ۽ ميين حسين جي لکيل رسالي (1300 ھہ/ 1882) ۽ ماستر محمد سارنگ لنجواڻيءَ جي لکيل رسالي ۽ سمورن ڇاپي رسالن کي ڀيٽي، هن 1960ع ۾ شاھہ جي رسالي جو هڪ مسودو تيار ڪيو. ان وچ ۾ کيس ٻہ پراڻا قلمي نسخا، ٽنڊي مير محمود جي مير صاحبن جي ڪتبخاني مان ۽ سيد مسڪين شاھہ کاڻوٺيءَ جي ڪتبخاني مان هٿ آيا ۽ 1949ع، 1974ع ۽ 1977ع ۾ ڊاڪٽر نبي بخش خان بلوچ جي ڇپايل رسالن کي بہ هن آڏو رکيو. اهڙيءَ طرح شاھہ جي رسالي جو مڪمل متن 31 سرن، 4469 بيتن ۽ 300 واين تي مشتمل، لفظي ۽ اصطلاحي معنيٰ سميت تيار ڪيائين. هن رسالي جا ٽي ڀاڱا شاھہ عبداللطيف ڀٽائي چيئر ڪراچي يونيورسٽيءَ ڇپائي پڌرا ڪيا آهن، جن ۾ هن بيتن کي صحيح اچارن سان پڙهڻ لاءِ اعرابون ڏنيون ۽ ڏکين لفظن جون معنائون پڻ ڏنيون. ٻانهي خان ڊگهي بيماريءَ سبب 19 آڪٽوبر 2008ع تي وفات ڪئي .
لفظ ٻانھون خان شيخھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
19.04.1928 عيسوي
ٻانهون خان شيخ 19 اپريل 1928ع تي ڀٽ شاهه ۾ ڄائو.
19.10.2008 عيسوي
ٻانهي خان ڊگهي بيماريءَ سبب 19 آڪٽوبر 2008ع تي وفات ڪئي.
شخصيتون - ڀاڱي جون ٻِيون داخلائون
بچارام ليلارام ليڏواڻيجيمس لوئيس مينس
عالي فقير ڀاڳت
رحمت مائي
ايلسا قاضي
عبدالغفور ميمڻ پروفيسر
دروڻاچاريه
عبدالقيوم سڪندري مھر
احمد خان چانڊيو
خير محمد خان استاد