ٺٽوي، حافظ ابراهيم: حافظ ابراهيم ٺٽوي، ٺٽي جو مشھور عالم ۽ فاضل ٿي گذريو آهي. هو ٺٽي ۾ پڙهيو ۽ قرآن جو حافظ ٿيو ۽ نالو ڪڍيائين. تحفة الڪرام ۾ سندس باري ۾ هن ريت احوال ملي ٿو ، ”علم جي فيض ڪري ايڏي ترقي ڪيائين جو شھزادي دارا شڪوہ ولد بادشاھہ شاھجھان جو استاد مقرر ٿيو ۽ زماني ۾ ڏاڍو نالو ڪڍيائين. تاريخ وفات جو مقرر سال معلوم نہ آهي مگر شاھجھان جو زمانو يارهين صدي هجري آهي، جنهنڪري هي بزرگ بہ انهيءَ صديءَ جي بزرگن مان آهي.“