لاطيني آمريڪا: هي اصل ۾ دنيا ۾ موجود ستن وڏن کنڊن مان چوٿون وڏو کنڊ آهي، جيڪو آمريڪا '>ڏکڻ آمريڪا (South America) ۽ موجوده وقت ۾ لاطيني آمريڪا (Latin America) جي نالي سان مشھور آهي. هن علائقي ۾ 12 خودمختيار رياستون ۽ ٻيا لاڳاپيل علائقا شامل آهن. هي خطو وسيع طور تي وچ آمريڪا، ڏکڻ آمريڪا ۽ ڪيريبين ۾ ورهايل آهي. اهي رياستون دراصل لاطيني ٻولي مان نڪتل ٻين ٻولين جھڙوڪ: اسپيني، پرتالي، فرانسيسي ۽ ثقافتي ورثي جي ڪري نمايان آهن. هڪ کنڊ ۾ ٻارنھن (12) خودمختيار رياستن ۾: ارجنٽينا، بوليويا، برازيل، چلي، ڪولمبيا، ائڪواڊور، گويانا، پئراگوئي، پيرو، سورينام، يوروگوئي ۽ وينزويلا شامل آهن، جڏهن ته فرينچ گيآنا فرانس سان لاڳاپيل علائقو آهي. ساڳي ريت فالڪلينڊ ٻيٽ، ڏکڻ جارجيا ۽ ڏکڻ سينڊوچ ٻيٽ پڻ منحصر حد بندين ۾ اچن ٿا.
هن وڏي کنڊ جي ڪُل ايرضي km2 1784000 (6890000 چورس ميل) آهي. موجوده وقت 2025ع ۾ هن خطي جي آبادي 667.6 ملين (گهٽ- وڌ) آهي. هن خطي ۾ سڄي دنيا جي ڪُل آباديءَ جو 8.11 سيڪڙو رهي ٿو. هتي ڳالهائجندڙ ٻولين ۾ انگريزي، اسپيني، پرتالي، فرانسيسي، ڊچ، ائمارا، گواراني، مئپوڊونگن، ڪوئينچا، وايو، سرانن، ٿونگو ۽ ٻيون شامل آهن. هن خطي ۾ 90 سيڪڙو عيسائي، 7.7 سيڪڙو لامذهب ۽ 2.3 سيڪڙو مختلف مذهبن جا ماڻهو آباد آهن. هي خطو پنھنجي فطري حسن، گوناگون ثقافت، ٻولين، قديم تھذيبن، ترقياتي شاهڪارن سبب سڄي دنيا جي سياحن جي تقريح جو مرڪز آهي.