قادر بخش مٺو
قادر بخش مٺو
قادر بخش مٺو (فنڪار): قادر بخش مٺو، 22 فيبروري 1956ع تي ڪوٽڙيءَ ۾ حسن محمد بلوچ جي گهر ۾ ڄائو. شروعاتي دور ۾ هو، هوٽل تي بيراگيري ڪندو هو. انھن ڏينھن ۾ سندس چاچي عبدالڪريم بلوچ هڪ شو ۾ کيس متعارف ڪرايو، جتي کيس داد ۽ اُتساھہ مليو، جنھن سبب حوصلا افزائي ٿي. هي ننڍپڻ کان ئي فلمن جي مختلف ڪردارن جو نقل ڪرڻ ۽ انھن جا آواز ڪڍڻ ۾ ماهر هوندو هو. هن دادوءَ جي ناليواري ڪاميڊين استاد محمد فقير جي شاگردي حاصل ڪري، سکيا وٺي مزاحيہ فنڪار طور مشھور ٿيو. اڳتي هلي سڄي سنڌ ۾ پنھنجي فن جو مظاهرو ڪرڻ لڳو. سندس فن کان متاثر ٿي ضلعي دادوءَ جي ڊپٽي ڪمشنر کيس ايريگيشن کاتي ۾ نوڪري ڏني. قادر بخش مختلف ٻوليون ڳالهائڻ سان گڏ جانورن ۽ پکين جي ٻولي ۾ بھتر آواز ڪڍي سگهي ٿو. هن مشھورگائڪ راحيل رحمان سان گڏ ڪيترن ئي پروگرامن ۾ حصو ورتو. هن پي. ٽي ويءَ تي چھچٽو، ڪچھري، روشن تارا ۽ سنڌي ڊرامي بدنصيب ۾ پوليس ڪانسٽيبل جو ڪردار ادا ڪيو. قادر بخش مٺو سنڌ کان سواءِ روس ۽ جرمنيءَ سميت ڪيترن ئي ملڪن ۾ پنھنجي فن جو مظاهر ڪري چڪو آهي. کيس ڪيترائي مڃتا اوارڊ ۽ سرٽيفڪيٽ ملي چڪا آهن. هي مزاحيہ اداڪار هن وقت ڪوٽڙيءَ ۾ رهائش پذير آهي.
لفظ قادر بخش مٺوھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1956.02.22 عيسوي
قادر بخش مٺو، 22 فيبروري 1956ع تي ڪوٽڙيءَ ۾ حسن محمد بلوچ جي گهر ۾ ڄائو.
شخصيتون - ڀاڱي جون ٻِيون داخلائون
فدا حسين فدا مڱڻهارڀٽو مولا بخش مسڪين
شاھہ اسد
چوڌري فضل الاهي
بوزدار رحيم بخش خان
صوف فقير
ايڇ ڊبليو پريڊي
ڀڳوان اٽلاڻي
ڌرمو رام
رميش مهتا