عطا محمد زوار: مشھور اداڪار ۽ شاعر زوار عطا محمد جو جنم 26 جنوري 1929ع تي آبڙي، تعلقي قنبر شھدادڪوٽ ۾ ٿيو. هيءُ بنيادي طور شاعر هو. پر اڳتي هلي فلمن طرف لاڙو ٿيس. هن سنڌي، اردو ڊرامن توڙي فلمن ۾ اداڪاري ڪري پاڻ مڃايو. هن نامور اداڪار ساقيءَ سان گڏ اردو فلم ۾ بہ رول ادا ڪيو. پي. ٽي. وي تان نشر ٿيل ڊرامي ‘سون ورنيون دليون ’ ۾ مرڪزي ڪردار نڀايائين، ان کان سواءِ هن گلن جھڙا ٻارڙا، اردو فلم آپ سي ڪيا پرده، اداڪار سڌير سان گڏ اردو فلم ‘دنگل’ ۾ ڀرپور نموني ڪردار نڀايائين. عطا محمد پنھنجي نالي سان ‘زوار’ تخلص استعمال ڪندو هو. عطا محمد شروع ۾ سونارڪو ڌنڌو ڪندو هو. سندس ناليوارن اداڪارن: لطيف منو، اسلم پرويز، فاضلاڻي صاحب وغيرہ سان دوستاڻا تعلقات هئا. جيڪي وٽس لاڙڪاڻي بہ ايندا هئا. عطا محمد ڳوٺ مان لڏي اچي قافلہ سراءِ لاڙڪاڻي ۾ رهائش پذير ٿيو. عطا محمد لاڙڪاڻي شھر ۾ ٿيندڙ ڪيترن ئي اسٽيج ڊرامن ۾ پڻ ڪم ڪيو. هن 7 مارچ 1997ع تي وفات ڪئي.
1929.01.26 عيسوي
مشهور اداڪار ۽ شاعر زوار عطا محمد جو جنم 26 جنوري 1929ع تي آبڙي، تعلقي قنبر شهدادڪوٽ ۾ ٿيو.
1997.03.07 عيسوي
عطا محمد زوار 7 مارچ 1997ع تي وفات ڪئي.