عبدالحميد ‘شھيد’: شاعر عبدالحميد ولد محمد عمر ’اختر‘ هالائي 8 جنوري 1941ع ڌاري هالا ۾ ڄائو. هن تعليم ۾ بي. ڪام، ايم. اي (اڪنامڪس)، ايم. اي (اردو ادب)، ايل. ايل. بي ۽ ٽيڪنيڪل تعليم جون سندون حاصل ڪيون. هي شاعريءَ ۾ پنهنجو تخلص ‘شھيد’ استعمال ڪندو هو. هن جو والد اختر هالائي، چاچو مولوي مير محمد ‘مادح’، چاچو حڪيم احمد ‘شاڪر’ ۽ سندس مامو محمد يعقوب ‘مهمان’ پڻ شاعر هئا، جن جي صحبت ۾ رهي ڪري هن شاعري جي شروعات ڪئي. هن شاعري ۾ غزل، حمد، نعت، چوسٽا، گيت، نظم، وايون ۽ ڪافيون چيون آهن. هن جي شاعريءَ جو هڪ مجموعو پڻ قابل ذڪر آهي، جيڪو ‘پيار جا پوپٽ’ ۽ ‘چاهت جا گلاب’ جي عنوان سان شايع ٿي چڪو آهي.
1941.01.08 عيسوي
عبدالحميد ولد محمد عمر ’اختر‘ هالائي 8 جنوري 1941ع ڌاري هالا ۾ ڄائو.