شهمير سومرو
شھمير سومرو
شھمير سومرو: نوجوان شاعر ۽ فنڪار شھمير سومري جو پورو نالو شھمير علي ولد حاجي علي گل سومرو آهي. هن پهرين آگسٽ 1976ع تي ڳوٺ سيد بچل شاھہ، تعلقي باقراڻي، ضلعي لاڙڪاڻي ۾ جنم ورتو. سندس تعليم ايم. اي (سنڌي ادب) آهي. شھمير سومري شاعريءَ جي شروعات 1993ع کان ڪئي، جيڪا وقت بہ وقت مختلف اخبارن توڙي رسالن ۾ ڇپجندي رهي ٿي. سندس شاعريءَ جو هڪ مجموعو ‘اکڙين جي ڀاڪر ۾’ ۾ ڇپجي چڪو آهي، جڏهن تہ سندس شاعري سنڌ جي سريلن فنڪارن اقرار وحيد علي، غلام شبير سمي، عاشق نظاماڻي ۽ ٻين پنھنجي آواز ۾ آڊيو البم/ سي. ڊي توڙي ريڊيو تي ڳائي آهي. شھمير سومري جادوءَ جي فن جي شروعات 1989ع ۾ ڪئي. هن سنڌ جي نامياري جادوگر استاد محمد وارث کان جادوءَ جي فن جي سکيا ورتي ۽ 1989ع کان 1994ع تائين پنھنجي استاد سان گڏ پوري سنڌ ۾ ميجڪ شو ڪندو رهيو. 1994ع ۾ استاد جي وفات ٿي، جنهن بعد هي اڪيلي سر ميجڪ شو ڪرڻ لڳو. هن وقت تائين پاڪستان ٽيليويزن جي مختلف پروگرامن سميت پوري سنڌ ۾ پنھنجي فن جو مظاهرو ڪري چڪو آهي. گڏوگڏ ساڳئي فن ۾ هن پنهنجا ٻہ شاگرد طارق حسين جوڻيجو ۽ محمد دائم سومرو پڻ تيار ڪيا آهن. شھمير سومرو هن وقت لاڙڪاڻي شھر ۾ رهائش پذير آهي ۽ پوليس کاتي ۾ ملازم آهي.
لفظ شھمير سومروھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1976.08.01 عيسوي
شهمير علي ولد حاجي علي گل سومرو آهي. هن پهرين آگسٽ 1976ع تي ڳوٺ سيد بچل شاهه، تعلقي باقراڻي، ضلعي لاڙڪاڻي ۾ جنم ورتو.
شاعر - ڀاڱي جون ٻِيون داخلائون
شيڪسپيئر وليمايم ڪمل
اسحاق راهي
بلال شاھہ
غلام محمد سانوڻي
شگفتہ شاھہ
افضل سولنگي
علي محمد شاھہ عاجز
عبدالخالق مولوي
ٻڍل لاشاري