ڊاڪٽرسيما ابڙو

سيما ابڙو، ڊاڪٽر‎:‎‏ ليکڪا، مضمون نويس ۽ تعليمدان ڊاڪٽر سيما ابڙو 15 جنوري 1977ع تي قبول ابڙي جي گهر، ‏ڳوٺ شاھ قلي پور (رُڪ) ۾ جنم ورتو. ايم اي (سنڌي )جي ڊگري ڪراچي يونيورسٽيءَ مان، جڏهن تہ ’سنڌي ٻوليءَ جي مختلف ‏لھجن جو تقابلي جائزو‘ جي عنوان سان ‏Ph.D‏ جي ڊگري وفاقي اردو يونيورسٽيءَ مان حاصل ڪئي. 2005ع ۾ سنڌ مدرسة ‏السلام ڪاليج ۾ ليڪچرر ٿي. ڪجهہ وقت کان پوءِ 2007ع ۾ وفاقي اردو يونيورسٽيءَ جي سنڌي شعبي ۾ ليڪچرر ۽ ھن ‏وقت اسسٽنٽ پروفيسر طور ڪم ڪري رھي آھي. سندس ڇپيل ڪتابن ۾: ’خواب ۽ حقيقت‘ (ڪھاڻيون)، ’سنڌي ادب جو ‏جائزو‘ (تحقيق) ۽ ’مون خدا ڳولي ورتو آھي‘ (ڪھاڻيون) شامل آھن. ان کان علاوہ مختلف اخبارن ۽ رسالن ۾ تحقيقي مضمون پڻ ‏لکندي رھي آھي. سندس شادي محقق ۽ لغت نويس عبدالڪريم ’آزاد‘ سميجي سان ٿيل آھي‏‎.‎

داخلا ۾ استعمال ٿيل تاريخون

1977.01.15  عيسوي

ليکڪا، مضمون نويس ۽ تعليمدان ڊاڪٽر سيما ابڙو 15 جنوري 1977ع تي قبول ابڙي جي گهر، ‏ڳوٺ شاھ قلي پور (رُڪ) ۾ جنم ورتو.

شخصيتون - ڀاڱي جون ٻِيون داخلائون