سيد حافظ شاهه ’حافظ‘ حسيني

سيد حافظ شاھہ ’حافظ‘ حسيني: سيد حافظ شاھہ حسيني ولد سيد الھہ بخش شاھہ حسيني 22 فيبروري 1923ع تي ٽکڙ ۾ ڄائو. سندس تخلص ’حافظ‘ هو. سندس تعليم ۽ تربيت پنھنجي گهر کان شروع ٿي. مشھور شاعر حافظ ’دلگير‘ وٽ ٻہ سال ديني تعليم حاصل ڪيائين. چئن درجن کانپوءِ حيدرآباد اڪيڊمي هاءِ اسڪول ۽ نور محمد هاءِ اسڪول ۾ پڙهيو ۽ بمبئي يونيورسٽيءَ مان مئٽرڪ پاس ڪيائين. 1951ع ۾ بي. اي (آنرز) ۽ ايل ايل بي پاس ڪري، ٽنڊي محمد خان ۾ وڪالت شروع ڪيائين. پاڻ وڪالت سان گڏ علم، ادب ۽ شـعـر ۽ شـاعريءَ سان بہ وابستہ رهيو. ان سلسلي ۾ ادارہ سـنڌي ادب ٽنڊو محمد خان سندس سرپرستيءَ ۾ ڪافي تعداد ۾ ڪتاب ڇپايا.
حافظ شاھہ جا ترجمو ڪيل ڪتاب ’تباهي‘، ’آئين زندگي‘ ۽ ’داستانِ غم‘ بہ ان اداري جا شايع ڪيل آهن.
حافظ شاھہ ڪامياب وڪيل، سٺو نثرنگار ۽ بھترين شاعر هو. سندس شاعريءَ فني لحاظ کان تعريف لائق آهي. صحافتي ادب ۾ سندس ايڊٽ ڪيل رسالو ’لطف‘ بہ هڪ عمدو يادگار آهي. شاھہ صاحب ڪيترن اهم ادارن جو قانوني مشير بہ رهندو آيو.
10 مئي 1974ع تي حيدرآباد ۾ وفات ڪيائين.

داخلا ۾ استعمال ٿيل تاريخون

1923.02.22  عيسوي

سيد حافظ شاهه حسيني ولد سيد الهه بخش شاهه حسيني 22 فيبروري 1923ع تي ٽکڙ ۾ ڄائو.

1974.05.10  عيسوي

سيد حافظ شاهه ’حافظ‘ حسيني 10 مئي 1974ع تي حيدرآباد ۾ وفات ڪيائين.

شاعر - ڀاڱي جون ٻِيون داخلائون