سوڍل فقير لغاري

سوڍل فقير: مشھور صوفي راڳي سوڍل فقير ولد علي بخش لغاري، 1959ع ڌاري ڳوٺ لغاري بجراڻيءَ، تعلقي موري، ضلعي نوشھري فيروز ۾ پيدا ٿيو. سندس وڏا اصل ڪاڇي جي ڳوٺ چاڪر ڪوٽ (تعلقو جوهي، ضلعو دادو) جا هئا ۽ ميرن جي دؤر ۾ مير ٺاري خان جي فوج جا سپھه سالار هئا. ان دور ۾ سندن وڏا لڏي اچي ڳوٺ لغاري بجراڻي ۾ آباد ٿيا، جتان پوءِ 1990ع ۾لڏي، گچيري روڊ، موري ۾ رهائش اختيار ڪئي. سوڍل فقير کي راڳ ورثي ۾ مليو. سندس ڏاڏو محمد حسن لغاري گهاگهر ۽ يڪتاري تي صوفياڻو راڳ ڳائيندو هو. سندس والد به راڳي هو. سوڍل فقير 20 سالن جي عمر ۾ پنھنجي والد ۽ احمد شاهه (ڳوٺ جوڻالو، تعلقو مورو) کان راڳ جي سکيا ورتي. شاهه لطيف، بابا بلهي شاهه، سچل سرمست، جانڻ فقير چن، رکيل شاهه، چيزل شاهه، راشد مورائي ۽ ٻين جا ڪلام ڳائي شھرت حاصل ڪئي. محمد قاسم ماڪا جي پروگرام ’رنگ منچ‘ ۾ لڳاتار حصو وٺندو رهيو، جتي سندس آواز ۾ 12، 13 ڪئسيٽون رڪارڊ ڪري جاري ڪيون. هن مختلف سنڌي ٽي. وي چئنلن تي به ڳايو. 17 جولاءِ 2024ع تي نوابشاهه ۾ وفات ڪئي.

داخلا ۾ استعمال ٿيل تاريخون

17.07.2024  عيسوي

صوفي راڳي سوڍل فقير 17 جولاءِ 2024ع تي نوابشاهه ۾ وفات ڪئي.

راڳي - ڀاڱي جون ٻِيون داخلائون