سنڌي ادب جو ادبي جائزو ۽ لطيفيات

سنڌي ادب جو ادبي جائزو ۽ لطيفيات (ڪتاب): پروين موسيٰ ميمڻ جو هيءُ ڪتاب روشني پبليڪيشن 2004ع ۾ شايع ڪيو آهي. ليکڪا جو مقابلي جي امتحانن لاءِ تيار ڪيل هيءُ ڪتاب ٽن ڀاڱن ۾ ورهايل آهي. پهرين حصي ۾ ادبي دؤرن جي ارتقائي جائزي سان گڏ مشھور شاعرن جيئن قاضي قادن کان شيخ اياز تائين جي شاعريءَ تي روشني وڌي وئي آهي تہ ٻئي حصي ۾ سنڌي ٻولي ۽ ادب جي احوال سان گڏ نثر ۽ نظم جي مشھور صنفن تي روشني وڌل آهي. مشھور نثر نويسن جي اصول سان گڏ سنڌي مضمون نويسيءَ ۽ صحافتي ترقيءَ کي بيان ڪيو ويو آهي. ٽيون حصو لطيفيات ۽ گرامر تي مشتمل آهي ڪتاب جو مهاڳ ‘اکر منجهہ الف’ جي عنوان سان سندس وڏي ڀاءُ ۽ نامياري ليکڪ آفتاب احمد ميمڻ لکيو آهي. ڪتاب جي بيڪ ٽائيٽل تي ڊاڪٽر عبدالجبار جوڻيجي جي راءِ ڏنل آهي. 270 صفحن جي هن ڪتاب جي قيمت 125 روپيا آهي.

ڪتاب - ڀاڱي جون ٻِيون داخلائون