زرداري محمد خان

محمد خان زرداري: مشھور اديب ۽ ليکڪ محمد خان زرداري 14 مارچ 1953ع تي ڳوٺ عالم خان زرداري، تعلقي شهدادپور، ضلعي سـانـگهـڙ ۾ پـيـدا ٿـيو. ابتدائي تعليم ڳوٺ مان حاصل ڪئي.1970ع ۾ مئٽرڪ ڊي. سي هاءِ اسڪول نوابشاھہ مان، بي. اي سچل سرمست ڪاليج (سنڌ يونيورسٽيءَ) مان، ايم اي (سنڌي)، ايم اي (معاشيات) ۽ بي ايڊ جون ڊگريون پڻ سنڌ يونيورسٽيءَ مان حاصل ڪيون. ان کان سواءِ ايم ايڊ جي ڊگري زرعي يونيورسٽي ٽنڊي ڄام مان حاصل ڪئي. 1971ع ۾ تعليم کاتي ۾ پرائمري استاد جي حيثيت ۾ مقرر ٿيو. 1980ع ۾ ترقي حاصل ڪري جونيئر اسڪول ٽيچر ۽ 1986ع ۾ هاءِ اسڪول ٽيچر طور ترقي حاصل ڪئي. 2006ع ۾ هاءِ اسڪول عالم خان زرداري ۾ هيڊ ماستر مقرر ٿيو ۽ ان کان علاون 2013ع ۾ ساڳئي اسڪول مان هيڊ ماستر جي حيثيت ۾ رٽائرڊ ٿيو. حضرت شاھہ عبداللطيف ڀٽائيرح جي سوانح، رسالي ۽ سندس همعصر بزرگن جي باري ۾ پهريون ڪتاب ’لطيفي رنگ رهاڻ‘ ٻيو ڪتاب ’لطيفي مڻيادار موتي‘، ٽيون ڪتاب ’موتي جي مهراڻ جا‘، چوٿون ’مهراڻ ڪوئز‘، پنجون ’مهراڻ عالمي معلومات‘ (ٻہ حصا) ۽ ڇهون ڪتاب ’سُرها گُل ساڻيھہ جا‘ (2019ع) جي نالي سان ڇپجي چڪا آهن. ان کانسواءِ سندس تحقيقي مقالا حضرت شاھہ عبداللطيف ڀٽائيرح جي مشھور سُرن ’ڪيڏارو‘، ’پورب‘، ’پرڀاتي‘، ’سُر آسا‘ ۽ نئين زندگيءَ ۾ شايع ٿيل آهن.

داخلا ۾ استعمال ٿيل تاريخون

1953.03.14  عيسوي

مشھور اديب ۽ ليکڪ محمد خان زرداري 14 مارچ 1953ع تي ڳوٺ عالم خان زرداري، تعلقي شهدادپور، ضلعي سـانـگهـڙ ۾ پـيـدا ٿـيو.

اديب - ڀاڱي جون ٻِيون داخلائون