ريحانه لغاري

ريحانه لغاري: سنڌ جي تاريخي شھر ٺٽي جي پهرين سياسي اڳواڻ عورت ريحانه ولد رئيس خير بخش لغاريءَ جو جنم 18 مارچ 1971ع تي ڪراچيءَ ۾ ٿيو. هن اسلاميہ لا ڪاليج ڪراچيءَ مان ايل. ايل. بي ڪئي. هن پنھنجي عملي زندگيءَ جو آغاز وڪيل جي حيثيت سان هاءِ ڪورٽ ۾ پرئڪٽس ڪرڻ سان ڪيو. هيءَ هڪ وڪيل سان گڏ سياستدان بہ آهي. هن 1997ع وارين عام چونڊن ۾ پي. ايس 71 (سجاول بٺوري تڪ) تان سيد اعجاز شاھہ شيرازيءَ سان مقابلو ڪيو، پر ڪامياب نہ ٿي سگهي. ساڳئي سال مسلم ليگ نواز گروپ ۾ شموليت اختيار ڪيائين، کيس مسلم ليگ ليڊيز ونگ ضلعي ٺٽي جو رابطہ سيڪريٽري مقرر ڪيو ويو. هن 1998ع واري نوازشريف دؤر ۾ سنڌي ماڻهن کي نوڪرين مان ڪڍڻ ۽ ڪالاباغ رٿا جي مخالفت ڪندي، مسلم ليگ ۽ خدمت ڪميٽيءَ تان استعيفا ڏئي، پيپلز پارٽيءَ ۾ شموليت اختيار ڪئي. هن وقت پيپلز پارٽي ليڊيز ونگ ضلعي ٺٽي جي صدر آهي. هوءَ ڪجهہ وقت لاءِ پيشنٽس بلڊ بئنڪ سجاول جي صدر رهي چڪي آهي.

داخلا ۾ استعمال ٿيل تاريخون

1971.03.18  عيسوي

سنڌ جي تاريخي شهر ٺٽي جي پهرين سياسي اڳواڻ عورت ريحانه ولد رئيس خير بخش لغاريءَ جو جنم 18 مارچ 1971ع تي ڪراچيءَ ۾ ٿيو.

شخصيتون - ڀاڱي جون ٻِيون داخلائون