درسگاھہ مخدوم عربي ڌياڻو: سـنـڌ جـي قـديـم درسـگاهـن ۾ مـخـدوم عـربـي ڌيـاڻـي جـي درسگاھہ جو پڻ ذڪر ملي ٿو. مخدوم عربي ڌياڻو، پير آسات جو ڀاءُ هو. وڏو عالم عارف ۽ ڪمال جو صاحب هو. هن ٽلٽيءَ جي مدرسي ۾ مخدوم بلاول وٽ تعليم حاصل ڪئي هئي. هن بابت روايت آهي تہ هڪ هنڌ ويهي قرآن مجيد جا 140 ختما ڪڍيا هئائين. سندس درسگاھہ هالڪنڊي (هالا) ۾ هئي، جيڪا سندس پنهنجيءَ خانقاھہ ۾ قائم ٿيل هئي. ڪيترا شاگرد وٽائنس ظاهري ۽ باطني علم سان فيضياب ٿيا. مخدوم نوح رح بہ وٽائنس علم پرايو. مخدوم عربي ڌياڻي جي وفات کان پوءِ سندس پٽ مخدوم بايزيد ان درسگاھہ ۾ درس تدريس جو علم جاري رکيو. مخدوم بايزيد، پنھنجي والد کان تعليم حاصل ڪئي هئي. پاڻ والد جيان ظاهري علم سان گڏ باطني علم جو صاحب هو.