خليل لاشاري: ڪلهوڙن جي دؤر جي شاعر ميان خليل لاشاري ضلعي گهوٽڪيءَ جي ڳوٺ اسلام لاشاريءَ ۾ جنم ورتو. سنڌي ۽ سرائڪي ۾ شاعري ڪندو هو. شاعريءَ ۾ سندس لاڙو مجازي عشق ڏانهن هو، جنهن کيس بيقرار ڪري ڇڏيو هو. سدائين سير ۽ سفر ۾ رهيو. ڪافيءَ جو بھترين شاعر هو. ميان نور محمد ڪلهوڙي جي ڏينهن ۾ وفات ڪيائين. سندس ڪافيءَ جو هڪ نمونو هيٺ ڏجي ٿو:
ڪجهہ ڪا ڳالھہ سڻاوان واھہ واھہ،
سودا سچ ٿيا ٺھہ پھہ،
ڇاتي دي وچ جهاتي هي، سانون فيض حياتي هي،
لڳي اوڙڪ تي جهنگ وسائي، لڳي ڀڙڪ برھہ دي باھہ.