حاجن ’سائل‘ ميمڻ: حاجي محمد ’حاجن سائل‘ ولد حاجي عبدالحڪيم ’عاجز‘ ميمڻ 8 اپريل 1945ع تي مٽياري شھر ۾ ڄائو. سندس خاندان پسارڪو ڌنڌو ڪندو آهي، تنهنڪري ’پساري ميمڻ‘ سڏجن ٿا. پنھنجي والد ۽ چاچي کي مولود پڙهندي ڏسي کيس مذهبي شاعري ڪرڻ جو شوق ٿيو. هيءُ نظم توڙي نثر ۾ لکي ٿو. هن جي شاعري رومانوي غزلن ۽ مذهبي موضوع تي آهي. هي پنهنجا ڪتاب ڇپرائي بنا معاوضي جي ورهائي ڇڏيندو آهي. سندس 7 ڪتاب ڇپجي چڪا آهن جن ۾:
(1) نجات جھنم حاصلاتِ بھشت (1969ع)، (2) چاليھہ سوکڙيون (1972ع)، (3) حـقيـقـي زندگـي (1995ع)، (4) روزو ۽ بندگي (1996ع)، (5) ســوکــڙيءَ تــي ســوکـڙي (1997ع)، (6) عـملـي زنـدگـي (1998ع) ۽ (7) درودن جو گلدستو (2000ع) شامل آهن. هن وقت مٽياريءَ ۾ رهائش پذير آهي.
1945.04.08 عيسوي
حاجي محمد ’حاجن سائل‘ ولد حاجي عبدالحڪيم ’عاجز‘ ميمڻ 8 اپريل 1945ع تي مٽياري شهر ۾ ڄائو.