جڙيل شاھہ جيلانيءَ جو ميلو: حضرت جڙيل شاھہ جيلانيءَ جو ميلو هر سال 7 کان 9 مارچ تي خيرپورناٿن شاھہ ۾ لڳايو ويندو آهي. هن ميلي ۾ ملھہ ملاکڙو ٿيندو آهي، جنهن ۾ سڄي سنڌ جا مشھور پهلوان حصو وٺندا آهن. ان کان علاوہ گهوڙن جي ڊوڙ جا انعامي مقابلا ۽ بيل گاڏين جا واپار ٿيندا آهن. هن ميلي ۾ راڳ رنگ جي محفل ٿيندي آهي، جنهن ۾ سڄي سنڌ مان مشھور فنڪار پنھنجي فن جو مظاهرو ڪندا آهن. ان کان علاوہ ثقافتي محفلون بہ رچايون وينديون آهن.