جعفري، غلام تقي: غلام تقي ولد نثار علي جعفري، 12 ڊسمبر 1929ع تي لاڙڪاڻي ۾ جنم ورتو. لاڙڪاڻي مان مئٽرڪ پاس ڪيائين. 1950ع کان سنڌي صحافت ۽ علم ادب جي ميدان ۾ قدم رکيائين. ڪيترا سال ’نئين سنڌ‘، ’الوحيد‘ ۽ ’مهراڻ‘ اخبارن جو نمائندو ۽ ماسٽر نيوز سروس جو چيف رپورٽر ٿي رهيو. 1951ع ۾ لاڙڪاڻي مان ’مرتضيٰ‘ اخبار جاري ڪيائين. جعفري صاحب 1960ع کان 1965ع تائين غير ملڪي ماڻهن کي سنڌي ۽ اردو سيکارڻ لاءِ ٽيوٽر بہ ٿي رهيو. ’انسان ۽ ڪائنات قرآن ڪريم جي روشني ۾‘ نالي ڪتاب بہ لکيائين. سندس شمار لاڙڪاڻي جي بزرگ صحافين ۾ ٿئي ٿو .
1929.12.12 عيسوي
غلام تقي ولد نثار علي جعفري ، 12 ڊسمبر 1929ع تي لاڙڪاڻي ۾ جنم ورتو .