جابر بن عبدالله الانصاري: بن عبدالله الانصاري'>جابر بن عبدالله الانصاري، ڪنيت ابو عبدالله، حضور صلي ﷲ عليہ وسلم جو پيارو اصحابي، خزرج قبيلي مان هو. پاڻ 20 عام الفيل 601ع ۾ پيدا ٿيو. حضرت جابر پنھنجي سڄي ڪٽنب سميت حضور صلي ﷲ عليہ وسلم جن تي ايمان آڻي، اسلام قبوليو. انهيءَ ڪري سندس شمار رسول اڪرم صلي ﷲ عليہ وسلم جي پيارن اصحابين ۾ ٿيندو آهي. هيءُ غزوه خندق ۽ بدر کانسواءِ ارڙهن جنگين ۾ رسول ﷲ صلي ﷲ عليہ وسلم جن سان گڏ هو، جن ۾ غزوه حنين ۽ غزوه تبوڪ شامل آهن. حضور صہ جن سان بي پناھہ محبت ڪندو هو. 11ھہ/ 632ع ۾ نبي ڪريم صلي ﷲ عليہ وسلم جن جي رحلت کانپوءِ هميشہ سندن آل/ اولاد سان گڏ هوندو هو، حضرت علي عليہ السلام سان گڏ صفين جي جنگ ۾ هڪ مجاهد وانگر وڙهيو. جابر بن عبدالله رضي الله عنه جي زندگيءَ جو مقصد حديثن جي اشاعت هو، جيڪي هن وڏي محنت سان گڏ ڪيون هيون. مشھور حديث ’حديث ڪِساء‘ جو راوي بہ هي آهي. جڏهن حجاج بن يوسف جهڙو ظالم ۽ تشدد پسند شخص مديني جو گورنر مقرر ٿيو تہ هن حضرت جابر رضہ تي بہ تمام گهڻيون سختيون ڪيون، جابر بن عبدالله حقيقي اصحابي ۽ عاشقِ رسول صلي ﷲ عليہ وسلم هو ۽ کيس اهو بہ شرف حاصل آهي تہ حضرت امام حسين عليہ السلام جي شهادت کانپوءِ جڏهن امام صاحب جي تربت تيار ٿي تہ سڀ کان پهريون مجاور ۽ زوار پاڻ ٿيو ۽ آخري عمر تائين سندن مزار تي رهيو. سن 74ھہ/693ع ۾ وفات ڪيائين. هن وصيت ڪئي هئي تہ سندس جنازي نماز ۾ حجاج بن يوسف کي شامل ٿيڻ نہ ڏنو وڃي.
00.00.0601 عيسوي
جابر بن عبدالله الانصاري حضور صلي الله عليه وسلم جو پيارو اصحابي ، خزرج قبيلي مان هو . پاڻ 20 عام الفيل 601ع ۾ پيدا ٿيو .
00.00.0074 هجري
جابر بن عبدالله الانصاري سن 74هه/693ع ۾ وفات ڪيائين
00.00.0693 عيسوي
جابر بن عبدالله الانصاري سن 74هه/693ع ۾ وفات ڪيائين