بشير احمد انصاري، ڊاڪٽر: ٻارن جي مشھور ڊاڪٽر ۽ ليکڪ ڊاڪٽر بشير احمد انصاريءَ، 4 جون 1963ع تي هالا نوان، ضلعي مٽياريءَ ۾ جنم ورتو. هن پرائمريءَ کان انٽر تائين تعليم هالا نوان جي درسگاهن مان حاصل ڪئي. 1989ع ۾ لياقت ميڊيڪل يونيورسٽي ڄامشوري مان ايم. بي. بي. ايس ۽ 1992ع ۾ ساڳيءَ ئي يونيورسٽيءَ مان ڊي. ايس. ايڇ ڪيائين. هيءُ ٻارن جي بيمارين ۾ مهارت رکي ٿو. 1996ع ۾ سول اسپتال سانگهڙ ۾ ميڊيڪل آفيسر، 1996ع کان 2000ع تائين لياقت يونيورسٽي اسپتال ڄامشوري جي ٻارن جي وارڊ جو رجسٽرار ۽ ڀٽائي اسپتال لطيف آباد ۾ ٻارن جي شعبي جو ميڊيڪل آفيسر رهيو آهي. هن جو ٻارن جي بيمارين تي لکيل هڪ ڪتاب ’ٻارن جون بيماريون‘ شايع ٿيل آهي، جنهن ۾ ٻارن جي مختلف بيمارين تي 39 مضمون شامل آهن، جن بيمارين جو حل بہ ڏنل آهي. سندس هي ڪتاب ميڊيڪل ۾ پرهندڙ شاگردن، نرسنگ اسٽاف ۽ صحت جي شعبي سان تعلق رکندڙن جي معلومات لاءِ نهايت ئي ڪارائتو ڪتاب آهي. ڊاڪٽر بشير احمد انصاري هالا نوان ۾ رهائش پذير آهي.
1963.06.04 عيسوي
ٻارن جي مشهور ڊاڪٽر ۽ ليکڪ ڊاڪٽر بشير احمد انصاريءَ، 4 جون 1963ع تي هالا نوان، ضلعي مٽياريءَ ۾ جنم ورتو.