اڪرم قمبراڻي

اڪرم قمبراڻي: اديب ۽ سياسي ڪارڪن اڪرم ولد اڪبر قمبراڻي 23 اپريل 1970ع تي، ڊگهڙي شھر، ضلعي ميرپورخاص ۾ جنم ورتو. انٽر تائين تعليم ڊگهڙي ۾ حاصل ڪئي. 1990ع ۾ جيئي سنڌ محاذ ۾ شامل ٿي، سياست جي شروعات ڪئي. ان کانپوءِ جيئي سنڌ قومي محاذ تعلقي ڊگهڙي ۽ ضلعي ميرپورخاص لاءِ صدر جي عھدي تي رهيو. 2005ع کان ڪجهہ سال صحافت سان وابستہ رهيو. 2012ع کان ٽائون ڪاميٽي، ڊگهڙي ۾ ڪلرڪ طور ڪم ڪري رهيو آهي. 2022ع ۾ سنڌي ادبي سنگت شاخ، ڊگهڙي جو سيڪريٽري رهيو. سندس ڇپيل ڪتابن ۾: ”ڊگهڙي جي تاريخ“ (2015ع)،”ڪشمير ڪينواس“ (سفرنامو، 2016ع) ۽ ”گورک“ (ناول، 2018ع) شامل آهن.

داخلا ۾ استعمال ٿيل تاريخون

1970.04.23  عيسوي

اديب ۽ سياسي ڪارڪن اڪرم ولد اڪبر قمبراڻي 23 اپريل 1970ع تي، ڊگهڙي شھر، ضلعي ميرپورخاص ۾ جنم ورتو.

اديب - ڀاڱي جون ٻِيون داخلائون