امين مگسي

امين مگسي: اديب، عالم ۽ محقق، امين مگسيءَ جو پورو نالو محمد امين ولد مفتي ڪريم بخش مگسي آهي. سندس تعلق ميهڙ جي علمي، ادبي ۽ مذهبي گهراڻي سان آهي. سندس والد ڪريم بخش مگسي پنھنجي دؤر جو جيد عالم ۽ مفتي هو. محمد امين مگسيءَ 30 اپريل 1962ع تي ڳوٺ سوڀي مگسي تعلقي ميهڙ، ضلعي دادوءَ ۾ جنم ورتو. پرائمري ۽ سيڪنڊري تعليم ميهڙ مان ئي حاصل ڪيائين، جڏهن تہ هن بي.اي 1984ع ۾ سنڌ يونيورسٽيءَ مان ڪئي ۽ ايم.اي (جنرل هسٽريءَ) ۾ پڻ سنڌ يونيورسٽيءَ مان 1990ع ۾ ڪئي.
امين مگسيءَ جو والد سيد علي اڪبر شاھہ جي قائم ڪيل مدرسي ’مدرسہ عربيه دارالقرآن‘ ميهڙ ۾ 50 سالن تائين مهتمم رهيو. محمد امين مگسيءَ ۾پنهنجي والد صاحب جي صحبت ۾ لکڻ پڙهڻ جو شوق پيدا ٿيو. سندس مضمون ۽ تحقيقي مقالا اخبارن ۽ رسالن ۾ شايع ٿيندا رهن ٿا.
محمد امين مگسيءَ جون هيٺيون تصنيفون شايع ٿي چڪيون آهن:
(1) جوڳيئڙا جھان ۾ (دادو جي مشاهيرن جا خاڪا: (1998ع).
(2) مگسي قبيلو، تاريخ ۽ تحقيق جي روشنيءَ ۾: (2012ع).
هن وقت ’بلوچستان جي تاريخ‘ ۽ ’تصوف‘ جي موضوعن تي سندس تحقيق جاري آهي. هو هن وقت پي.آءِ.اي ڪراچي ۾ گروپ 6 ۾ آفيسر آهي ۽ گلشن حديد فيز I ۾ رهائش پذير آهي.

داخلا ۾ استعمال ٿيل تاريخون

1962.04.30  عيسوي

محمد امين مگسيءَ 30 اپريل 1962ع تي ڳوٺ سوڀي مگسي تعلقي ميهڙ، ضلعي دادوءَ ۾ جنم ورتو.

اديب - ڀاڱي جون ٻِيون داخلائون