اميربخش امير قريشي: اميربخش قريشي ولد امام بخش، شڪارپور ۾ 1906ع ڌاري ڄائو. شاعريءَ جو آغاز 1930ع کان ڪيائين. امير قريشي مشھور شاعر ۽ نثر نويس ٿي گذريو آهي. شڪارپور ۾ ئي کيس ادبي ماحول مليو. ان ڪري هن 20 سالن جي ڄمار کان شاعري شروع ڪئي ۽ ادبي محفلن ۾ حصو وٺڻ لڳو. خوراڪ کاتي ۾ ملازمت ڪيائين. شاعريءَ ۾ سندس استاد سرشار عقيلي هو. پاڻ ”محفلِ احباب“ جو صدر، ”جمعيت الشعراءِ“ سنڌ جو جنرل سيڪريٽري ۽ ڪيترن ئي ادبي ادارن جو سرگرم ڪارڪن ٿي رهيو. سندس تصنيفن ۾ ’جهنگل‘ (ناول)، ’انور‘ (ناول)، ’بياضِ امير‘ (شاعري) ۽ ’شڪوہ جواب شڪوہ‘ (شاعري) جو ترجمو قابل ذڪر آهن. پر اُهي ڪتاب اڃا شايع نہ ٿيا آهن. خوراڪ کاتي ۾ هڪ اعليٰ عهدي تان رٽائر ڪري، ڪجهہ وقت شڪارپور ۾ سڪونت پذير ٿيو، بعد ۾ ڪراچي منتقل ٿيو. پاڻ نهايت ئي نيڪ ۽ مهمان نواز طبيعت جو مالڪ هو. 1978ع ڌاري وفات ڪيائين.
1906.00.00 عيسوي
اميربخش امير قريشي شڪارپور ۾ 1906ع ڌاري ڄائو
1978.00.00 عيسوي
امير بخش امير قريشي 1978ع ڌاري وفات ڪئي