امام زين العابدين عليہ السلام:حضرت امام علي زين العابدين عليہ السلام، حضرت امام حسين عليہ اسلام جو فرزندِ ارجمند ۽ چوٿون امام 38 ھہ / 658ع ۾ پيدا ٿيو. واقعي ڪربلا (60 ھہ / 680ع) ۾ حضرت امام حسين عليہ اسلام پنھنجي عزيز و اقارب ۽ اصحابن سان گڏ شھيد ٿي ويو ۽ اهلبيت عصمت و طھارت سان گڏ صرف امام علي بن الحسين عليہ السلام بچيو. هن واقعي کانپوءِ سڄي عمر مديني ۾ رهائش اختيار ڪيائين. پاڻ وڏو عالم، زاهد، عابد، شجاع ۽ متقي پرهيزگار هو. پاڻ خدا جي عبادت ۾ ايڏو تہ مشغول هوندا هئا جو کين ”سيد الساجدين“ (يعني سجدي ڪندڙن جو سردار) ۽ ”زين العابدين“ (يعني عبادت ڪندڙن جي زينت) جا القاب ڏنا ويا. امام زين العابدين عليہ السلام جون لاتعداد تصنيفون آهن، جن ۾ سڀ کان مشھور ”صحيفئه ڪامله“ لاجواب دعائن ۽ تعقيبات جو شاهڪار ڪتاب آهي. جنهن کي ”صحيفهءِ سجاديه“ بہ چيو وڃي ٿو، ان کان سواءِ استخاري لاءِ اڪثر عالم امام صاحب جو ”استخاره سجاديه“ جهڙو لاجواب ڪتاب استعمال ڪندا آهن. امام زين العابدين عليہ السلام کي ڪربلا جي واقعي کانپوءِ وري وقت جي ظالم حاڪم حجاج بن يوسف گرفتار ڪرايو. امام عليہ السلام جن 95 ھہ / 714ع ۾ رحلت ڪئي.
عيسوي
عيسوي
عيسوي
عيسوي