الھہ اوڀايو جوڻيجو: فقير الھہ اوڀايو ولد فقير غلام قمبر جوڻيجو ڳوٺ ’منھہ‘ تعلقي ميرو خان جو ويٺل هو. پاڻ عوامي شاعر ڇتي فقير سانگيءَ جو صحبتي ۽ طالب هو ۽ کانئس فيض حاصل ڪيو هئائين. ڊاڪٽر نبي بخش بلوچ لکي ٿو تہ:’الھہ اوڀايو ولد قمبر فقير ڌامراھہ ڳوٺ ضلعي لاڙڪاڻي ۾ مدفون آهي. هو فقير خداداد ولد غلام حيدر جو سؤٽ هو. الھہ اوڀايي جو ڪلام عارفاڻي رنگ جو آهي. سندس ڪافين ۾ عاشقاڻن امنگن جو اظهار عام جام نظر اچي ٿو. هو ڪافي گو شاعر هو. سندس ڪلام ٽڙِيل پکڙيل آهي. هن 1920ع ڌاري وفات ڪئي.‘ سندس ڪلام جو نمونو هيٺ ڏجي ٿو:
دل منهنجي کي دلبر، لاتو جادو ڙي،
زيور پائي ڳهڻا، ڪيو سينگار سھڻا
ڪات اکين جي ڪهڻا،خنجر هنيا کوڙي
00.00.1920 عيسوي
الهه اوڀايو جوڻيجو 1920ع ڌاري وفات ڪئي .