الهبچايو يار محمد سمون

الھبچايو يار محمد سمون: سنڌي ٻوليءَ جو ناميارو اديب ۽ محقق 9 مئي 1912ع تي ملير ضلعي ڪراچي ۾ سمن جي قديم خاندان جي هڪ غريب گهر ۾ ڄائو. ڊسمبر 1958ع ۾ وفات ڪيائين. الھبچايو يار محمد سمو ڪراچيءَ جو اهو پراڻو ليکڪ ٿي گذريو آهي، جنهن ڪراچيءَ جي قديم لهجي، لسٻيلي دادوءَ ۽ ڄامشوري جي سنڌي ٻوليءَ جي ڪوهستاني ۽ لاسي لهجن ۽ اتان جي ادب ۽ ثقافت جي تاريخ بيان ڪئي آهي. هن جا ٻہ ڪتاب ”سير ڪوهستان“ (1942ع) ۽ ”لاڙ جو سير“ (سنڌي ادب)، انفرادي حيثيت رکن ٿا، جنهن ۾ سندس زبانداني، انشا ۽ پردازي، طرز تحرير ۽ اسلوب جي نواڻ موجود آهي. سير ڪوهستان سنڌي ادب جي هڪ لافاني تخليق آهي. اهڙيءَ طرح لاڙ جو سير (1971ع) ڪتاب ۾ لاڙ جي تاريخ، ثقافت ۽ لهجي جو بھترين تذڪرو ڪيو آهي. يار محمد سمي جا هي ٻئي ڪتاب سنڌي نصاب ۾ ڪنهن نہ ڪنهن صورت ۾ شامل رهيا آهن.

داخلا ۾ استعمال ٿيل تاريخون

1912.05.09  عيسوي

الهبچايو يار محمد سمون 9 مئي 1912ع ڪراچي ۾ ڄائو

1958.12.00  عيسوي

الهبچايو يار محمد سمون ڊسمبر 1958ع ۾ وفات ڪئي

شخصيتون - ڀاڱي جون ٻِيون داخلائون