الاهي بخش ٻانڀڻ

الاهي بخش ٻانڀڻ2: مشھور شاعر، ليکڪ ۽ براڊ ڪاسٽر الاهي بخش ٻانڀڻ جو جنم پهرين جون 1958ع تي ڳوٺ نيروارو، تعلقي ٺري ميرواھہ، ضلعي خيرپورميرس ۾ ٿيو. شاھہ عبداللطيف يونيورسٽي خيرپور مان عالمي لاڳاپن جي شعبي مان ماسٽرس جي ڊگري حاصل ڪرڻ کانپوءِ نومبر 1983ع ۾ ريڊيو پاڪستان ۾ بطور پروڊيوسر ڀرتي ٿيو ۽ پاڪستان جي مختلف ريڊيو اسٽيشنن تي، جن ۾ حيدرآباد، مٺي، خيرپور، زوب، اسلام آباد ۽ ڪراچي ۾ پروڊيوسر، پروگرام مئنيجر ۽ اسٽيشن ڊائريڪٽر طور ڪم ڪندو رهيو. 31 مئي 2018ع تي ريڊيو پاڪستان جي نوڪريءَ تان ڪنٽرولر جي حيثيت ۾ رٽائرڊ ٿيو.
الاهي بخش ٻانڀڻ ريڊيو جي نوڪري دوران ڪيترائي يادگار پروگرام پيش ڪيا، جن ۾: سڀ رنگ، سڳنڌ، صبح مهراڻ، ٻارڙن جي ٻاري، سگهڙين سٿ، ڊرامه، ڊاڪيومينٽريز ۽ آئوٽ ڊور براڊڪاسٽنگ شامل آهن. کيس بھترين براڊڪاسٽر طور ڪيترائي اوارڊ ملي چڪا آهن. الاهي بخش ٻانڀڻ کي ننڍپڻ کان ئي لکڻ ۽ ڪتاب پڙهڻ جو شوق هو، هن شاعريءَ سان ادبي دنيا ۾ پير پاتو. اڳتي هلي هن ڪهاڻيون بہ لکيون ۽ ٻاراڻي ادب تي بہ قلم کنيو. سندس شاعري ڪيترن ئي رسالن ۽ اخبارن ۾ شايع ٿيل آهي. ٻارن لاءِ لکيل ڪهاڻين تي مشتمل سندس ڪتاب ”ڪانوَن جي ڪاھہ“ آگم پبليڪيشن حيدرآباد پاران شايع ٿيل آهي.

داخلا ۾ استعمال ٿيل تاريخون

1958.06.01  عيسوي

مشھور شاعر، ليکڪ ۽ براڊ ڪاسٽر الاهي بخش ٻانڀڻ جو جنم پهرين جون 1958ع تي ڳوٺ نيروارو، تعلقي ٺري ميرواهه، ضلعي خيرپورميرس ۾ ٿيو.

2018.05.31  عيسوي

الاهي بخش ٻانڀڻ 31 مئي 2018ع تي ريڊيو پاڪستان جي نوڪريءَ تان ڪنٽرولر جي حيثيت ۾ رٽائرڊ ٿيو.

شخصيتون - ڀاڱي جون ٻِيون داخلائون