تصويرون ۽ عنوان

سنڌيانا ۾ موجود تصويرون ۽ انهن جا عنوان پڻ ڏسي سگھو ٿا

تاريخ وار ترتيب

سنڌيانا ۾ موجود مضمونن کي حوالي طور تاريخ وار رکيو ويو آهي

موضوع وار ترتيب

سنڌيانا ۾ موجود مضمونن کي موضوع وار ترتيب ۾ رکيو ويو آهي

الف بي وار ترتيب

سنڌيانا ۾ موجود مضمونن کي الف ب وار ترتيب ۾ رکيو ويو آهي

انسائيڪلوپيڊيا سنڌيانا

سنڌي زبان جي تاريخ ۾، سنڌ بابت پهريون جامع ۽ باتصوير دستاويز ’انسائيڪلو پيڊيا سنڌيانا‘ جي صورت ۾ آگسٽ 2009ع ۾ ڇپجي پڌرو ٿيو. جنهن جا هن وقت تائين 10جلد ڇپجي پڌرا ٿي چڪا آهن، جڏهن ته جلد يارهون پڻ ڇپائيءَ واري مرحلي ۾ آهي.
هن اهم رٿا جو ابتدائي خاڪو ته 1998ع ۾ جڙيو پر ان کان اڳ سنڌي ٻوليءَ جي با اختيار اداري جي قيام بعد 1991ع کان ئي اهڙي رٿا تي سوچ ويچار جو سلسلو شروع ٿيو هو. بعد ۾ ڊاڪٽر تنوير عباسيءَ هن رٿا جوا بتدائي خاڪو تيار ڪيو ۽ 1998ع ۾ سنڌي ٻولي اٿارٽيءَ جي تڏهوڪي چيئرمين ڊاڪٽر غلام علي الانا باقائدي ريسرچ سيل ٺاهي نامور استاد ۽ عالم شيخ محمد اسماعيل کي انچارج مقرر ڪري نوجوان ريسرچرن جي ٽيم ترتيب ڏني. انهيءَ سلسلي ۾ سنڌ جي هر ضلعي ۾ اديبن ۽ سهڪاري ساٿين کي به مواد ۽ تصويرون وغيره جي سهڪار لاءِ خط لکيا ويا. ايڊيٽوريل بورڊ ۾ جناب محمد ابراهيم جويو، ڊاڪٽر فهميده حسين ، ڊاڪٽر الله رکيو ٻُٽ، امداد حسيني، ڊاڪٽر شمس الدين تنيو ۽ تاج جويو شامل هئا. پهرين جلد جو ڪم لڳ ڀڳ پورو ٿيو پر اهو ڇپائي جي مرحلي کان رهجي ويو، ڇا ڪاڻ ته 2001ع ۾ ڊاڪٽر غلام علي الانا جي وڃڻ بعد ..... وڌيڪ پڙهو

اڄ جو مضمون

** دائپو يا ويم جي واٽ **

دائپو يا ويم جي واٽ (ڪتاب): هيءُ ڪتاب ڊاڪٽر هينري جيليٽ جي انگريزي ڪتاب ’شارٽ پرئڪٽس آف مڊوائفري فار نرسز‘ جو سنڌي ترجمو آهي، جيڪو ڊاڪٽر علي احمد قاضيءَ 1940ع ۾ ترجمو ڪيو هو، جنهن کي گورنمينٽ پرنٽنگ پريس ڪراچيءَ مان ڇپايو ويو. انهيءَ عرصي ۾ هن ڪتاب جي ڇپائي ۽ تياريءَ جو معيار تعريف لائق آهي. هن ڪتاب ۾ حمل دوران عورت جي صحت جي حوالي سان مفيد مضمون، حمل دوران خلل، پيچيدگين کان آگاهي، ويندي ٻار ڄمڻ بعد ان جي صحت ۽ سار سنڀال بابت معلومات ڏنل آهي. ڪتاب جي خاصيت اها به آهي ته سهڻي سنڌيءَ ۾ ترجمو ۽ ان ۾ ڏنل تصويرون، خاڪا ۽ نقشا به پڙهندڙ نرسن/داين لاءِ رهنما ثابت ٿيا آهن. هن ڪتاب ۾ 32 باب ۽ الف، ب، ج، د ۽ هه ضميما پڻ ڏنل آهن. آخر ۾ سنڌي انگريزي لغت به پيش ڪيل آهي ته جيئن پڙهندڙ کي جيڪڏهن ڪو سنڌي لفظ سمجهه ۾ نه اچي ته ان جو انگريزي لفظ به پڙهي، سمجهي سگهي.

550 صفحن تي مشتمل هن ڪتاب جو ديباچو ڊاڪٽر علي احمد قاضي خود لکيو آهي. هي ڪتاب ڪچي جلد سان ڊيمي سائز ۾ آهي، جنهن جي قيمت 10 روپيا لکيل آهي.

....وڌيڪ پڙهو