چُوڙيگر (ذات): هڪ ذات جو نالو، حيدرآباد شهر ۾ چوڙيگرن جي گھٽي مشهور آهي، جنهن کي هن وقت ’ريشم گلي‘ چيو وڃي ٿو. ڪنهن زماني ۾ هتي عاج مان چمڙا ۽ چڪا نالي واريون مهرون به ٺهنديون هيون. تنهنڪري چوڙيگرن کي خاطربند به چوندا هئا. اڄ به حيدرآباد شهر ۾ چوڙيگرن واري گھٽي يا خاطو بندن جي بازار مشهور آهي. دراصل چوڙيگرن جو اصطلاح انهن ڪاريگرن لاءِ استعمال ٿيندو آهي، جيڪي شيشي، لاک وغيره مان چوڙيون، ڪنڱڻ وغيره ٺاهيندا هئا.