پاٽولي: پَٽ يا ريشم جو واپار يا ڪم ڪندڙ هڪ ذات جو نالو. هن ذات جا ماڻهو اڪثر ٽنڊي الهيار، ٽنڊي محمد خان، حيدرآباد ۽ روهڙيءَ ۾ موجود آهن. پاٽولين جا مشهور پاڙا يوسفاڻي، هاشماڻي، يعقوباڻي، بچاڻي وغيره آهن. پاٽولين ۾ ڪيتريون مشهور شخصيتون ٿي گذريون آهن، جن ۾ محمد محسن پاٽولي نامور اديب فضل احمد بچاڻي، ٻارن جو ليکڪ اياز پاٽولي، ناميارو سياستدان عبدالستار بچاڻي (اڳوڻو ايم. اين. اي) ۽ سندس گهر واري شمشاد بچاڻي (موجوده قومي اسيمبليءَ جي ميمبر)، سهيل اديب بچاڻي (آفيسر) ۽ مشهور صحافي شڪيل بچاڻي ۽ ٻيا شامل آهن.