داخلا نمبر 7840
عنوان پٽڪو
شاخ ڪپڙو
پڙهيو ويو 182 ڀيرا
داخلا جو حوالو انسائيڪلوپيڊيا سنڌيانا جلد ٽيون
پٽڪي جي تصوير

پٽڪي جي تصوير

پٽڪو

پٽڪو: مٿي تي ٻڌڻ لاءِ اٽڪل ڇهن والن يا ان کان گهٽ وڌ ماپ جو ڪپڙو، جيڪو گهڻو ڪري ململ جو هوندو آهي، پٽڪو بوسڪيءَ جو به ٿيندو آهي ۽ اجرڪ يا لونگيءَ جو به ٻڌبو آهي، هر ذات ۽ قبيلي جي پٽڪي ٻڌڻ جو ڀير جدا جدا هوندو آهي، پٽڪي جي ڀيرَ مان خبر پوندي آهي ته همراهه ڪهڙي قبيلي سان واسطو رکندڙ آهي. مثال طور: جتوئين جا پاڙا گهڻا آهن، پر هڪڙا جتوئي پٽڪي جو پلاند ورائي ڪلهي تي رکندا آهن، ٻيا مٿي پٽڪي ۾ ئي هڻي ڇڏيندا آهن. اهڙيءَ طرح مڱڻهار رنگين پٽڪو ٻڌندا آهن. جوڌپوري وڏو ۽ رنگ وارو پٽڪو گهٽ ۾ گهٽ پندرهن ويهن هٿن وارو ٻڌندا آهن، انهن جو ڀير ۽ مڱڻهارن جي پٽڪي جو ڀير ساڳيو هوندو آهي. سوڍا راجپوت ۽ ٿر ۽ راجسٿان ۾ رهندڙ هندو ذاتين جا ماڻهو ڇيٽ وغيره (پوتئي) جي پڳ به ٻڌندا آهن، لاڙ جا ماڻهو اڍائي ٽن والن جو هلڪو پٽڪو ٻڌندا آهن. عام طرح ڳوٺن ۾ ماڻهو پٽڪو ٻڌندا آهن، راڄ جي اڳواڻ کي ٻڌايل پٽڪي کي ”پڳ“ چوندا آهن، اهڙيءَ طرح هر قبيلي جو پاڳارو ٿيندو آهي، سنڌ ۾ راشدي خاندان جو اڳواڻ ”پير پاڳارو“ مشهور آهي. پٽڪي بابت سنڌيءَ ۾ ڪيترا اصطلاح ۽ محاورا موجود آهن. جهڙوڪ: ’پٽڪو لاهڻ‘ معنيٰ بيعزتي ڪرڻ، ’پٽڪو ٻڌائڻ‘ معنيٰ ’عزت ڪرڻ‘، ’پٽڪو لاهي هٿ ۾ ڪرڻ‘معنيٰ ’پنهنجي عزت وڃائي‘، ’ٻئي جي عزت تي حملو ڪرڻ‘، ’پٽڪي لهرائڻ‘ معنيَٰ: ’پڳ لاهي‘، ’بي مانائتو ڪرڻ‘، ’عزت خراب ڪرڻ‘ وغيره.سنڌي معاشري ۾ پٽڪي کي وڏي عزت احترام جي نظر سان ڏٺو ويندو آهي ۽ پڳدار جي فيصلي کي مان ڏيندو آهي.


لفظ پٽڪو هيٺين داخلائن ۾ پڻ استعمال ٿيل آهي
امير بخش فقير
بطانو
آريسر واھي فقير
آزاد صوفي 2
اَڌ گول ڦڻي
امام ڏنو فقير
ڀِيل1
تاج
ٽوپي
ٿاڻو بولا خان
ٿر
جادَو
پٽڪو
پٽڪي
چارڻ
چندر (ماسٽر چندر)
چؤماسو2
دالا ڀان
هن صفحي کي شيئر ڪريو

هن داخلا لاءِ تاريخ جا حوالا موجود نه آهن

ڪپڙو - ڀاڱي جون ٻِيون داخلائون

بافتو
آتڻ
بخمل
ٻاروتو
ٻانڌڻو
ٻٽ (ڪپڙو)
ٻپڙي
ارم ارمق
ٻنڌڻ
اکياڙي
ڪپڙو ڀاڱي جا وڌيڪ مضمون