داخلا نمبر 727
عنوان ٻڍل شاهه ولد نواب شاهه
شاخ شخصيتون
پڙهيو ويو 816 ڀيرا
داخلا جو حوالو انسائيڪلوپيڊيا سنڌيانا جلد پهريون
ٻڍل شاهه

ٻڍل شاهه

ٻڍل شاهه ولد نواب شاهه

ٻُڍل شاهه ولد نواب شاهه: سيد ٻڍل شاهه ولد سيد ميان نواب شاهه مٽياري سيدن جي سنائي شاخ جي اميناڻي پاڙي مان هو. سندس جنم نواب شاهه ۾، 1894ع ڌاري ٿيو. ابتدائي تعليم مقامي اسڪول مان ورتائين. کيس سيد غلام حيدر شاهه نالي ڀاءُ به هو. هي ننڍائي هئا ته 1904ع ڌاري سندس والد وفات ڪري ويو. وٽن آباڻي زمينون هيون. نواب شاهه شهر لاءِ سندس والد سيد نواب شاهه پنهنجون زمينون مفت ۾ ڏنيون. اڳتي هلي هي ڳوٺ مان شهر ۽ ضلعي جو هيڊڪوارٽر بنيو. هاڻي هن شهر جو نالو مٽائي شهيد بينظير آباد رکيو ويو آهي.
سيد ٻڍل شاهه جا آسپاس جي زميندارن سان دوستاڻا تعلقات هئا. هي پاڻ مڙس ماڻهو، مهل سر سنگت کي ڪم ايندڙ، بي ڊپو ۽ زماني شناس شخص هو. ضلعي لوڪلبورڊ جو ميمبر، تعلقي لوڪل بورڊ نواب شاهه جو پريزيڊنٽ ۽ 1 جولاءِ 1940ع کان 10 فيبروري 1942ع تائين نوابشاهه ميونسپالٽيءَ جو پريزيڊنٽ ٿي رهيو. سائين جي. ايم سيد سان سٺا تعلقات هئس، جڏهن سن ۾ 1924ع ڌاري مٽياري سيدن جي ڪانفرنس ٿي هئي ته پنهنجي پاڙي جي سيدن سميت شرڪت ڪئي هئائين. 48 سالن جي عمر ۾ 22 جنوري 1942ع تي وفات ڪيائين .


هن صفحي کي شيئر ڪريو

داخلا ۾ استعمال ٿيل تاريخون

1894.00.00  عيسوي

ٻڍل شاهه جو جنم نواب شاهه ۾ 1894ع ڌاري ٿيو.


1940.07.01  عيسوي

1 جولاءِ 1940ع کان 10 فيبروري 1942ع تائين نوابشاهه ميونسپالٽيءَ جو پريزيڊنٽ ٿي رهيو.


1942.01.22  عيسوي

ٻڍل شاهه 48 سالن جي عمر ۾ 22 جنوري 1942ع تي وفات ڪئي.



شخصيتون - ڀاڱي جون ٻِيون داخلائون

بابا بنکنڊي مهراج
بابا حاجي ميرمحمد
بابا سريچند
بابا صلاح الدين
بابا فريد مسعود گنج شڪر
بابا گرپت صاحب
بابا گوبند داس
بابا نيڀراڄ
بابر بادشاهه
بابو
شخصيتون ڀاڱي جا وڌيڪ مضمون