داخلا جي تاريخ 2012-01-17
داخلا نمبر 628
عنوان ٻاويهه سؤ ٻاويهه
شاخ ڪتاب
پڙهيو ويو 418 ڀيرا
داخلا جو حوالو انسائيڪلوپيڊيا سنڌيانا جلد پهريون
ٻاويهه سؤ ٻاويهه (ڪتاب)

ٻاويهه سؤ ٻاويهه (ڪتاب)

ٻاويهه سؤ ٻاويهه

ٻاويهه سؤ ٻاويهه (ڪتاب ):هيءُ محب وطن سياستدان ۽ اديب قاضي فيض محمد جو ناول آهي، جيڪو سنڌي اديبن جي سهڪاري سنگت حيدرآباد سنڌ پاران ڇپايو ويو آهي. هن ناول جو پهريون ڇاپو 1979ع ۾ ڇپيو ۽ هن ڊيمي سائيز جي 310 صفحن تي مشتمل ناول جي قيمت 20 رپيا رکيل آهي. قاضي صاحب جو هيءُ ٻيو نمبر ناول آهي. هن کان اڳ 1952ع ۾ سندس ناول ”جنسار“ شايع ٿيو هو. قاضي صاحب هيءُ ناول لنڊن ۾ لکيو. هن ناول ۾ قاضي صاحب پنهنجي پياري وطن سنڌ ۽ ان جي غريب ماروئڙن جي بهتر مستقبل جو خواب بيان ڪيو آهي. قاضيءَ جو هيءُ خواب سڄيءَ انسان ذات جي بهتر مستقبل جو خواب آهي. هيءُ ناول، سنڌي ٻوليءَ جي ’سائنس فڪشن‘ ۾ شمار ڪري سگهجي ٿو، ڇاڪاڻ ته هن ناول ۾ مستقبل ۾ متوقع سائنسي ترقيءَ ۽ اُن ۾ سنڌ جي حيثيت بيان ڪئي وئي آهي .


هن صفحي کي شيئر ڪريو