داخلا نمبر 5124
عنوان ثمود
شاخ قوم
پڙهيو ويو 214 ڀيرا
داخلا جو حوالو انسائيڪلوپيڊيا سنڌيانا جلد ٻيو

ثمود

ثَمُود: عربستان جي هڪ قديم قوم، جيڪا نبي سڳوري صلي الله عليه وسلم جي بعثت کان اڳ عاد ۽ ارم قومن وانگر معدوم ٿي وئي هئي. قديم حوالن مان ثمود قوم جي تاريخي وجود جي تصديق ٿئي ٿي، مثلاً: 715 ق. م جي هڪ آشوري ڪتبي مان ثمود جو ذڪر به انهن قومن جي سلسلي ۾ ملي ٿو، جيڪي مشرقي ۽ وچ عرب ۾ آباد هئا ۽ جن اشورين کي مطيع ڪيو هو. ثمود جي زوال جي عربي روايتن کي قديم مفسرن قرآني اشارن جي بنياد تي اڃا به وڌيڪ بيان ڪيو هو. جهڙيءَ طرح قوم عاد ۾ به هڪڙو نبي آيو هو، جنهن جو نالو ”هُود عليه السلام“ هو، اهڙيءَ طرح قوم ثمود ڏانهن به حضرت صالح عليه السلام نبي ڪري موڪليو ويو هو. حضرت جي مخالفن، جن جو سردار جنع بن عمر هو، حضرت صالح کان گهر ڪئي ته هو پنهنجي نبوت جي ثبوت ۾ ڪو معجزو ڏيکاري، ۽ هُن هڪ ڇپ مان هڪڙي ڏاچي گونري سميت ڪڍي ڏيکاري هئي.
الله جي اُٺڙي هجڻ ڪري ان جي حرمت لازم هئي، پر ٺٺول ڪندڙن ڏاچيءَ توڙي گونريءَ جون کُچون وڍي ڇڏيون. جنهن جي سزا ۾ الله تعاليٰ جي حڪم سان ٻرندڙ جبل ڦاٽو، جنهن جي باهه ۽ لاوي جي ڪري اها قوم تباهيءَ سان همڪنار ٿي.


هن صفحي کي شيئر ڪريو

هن داخلا لاءِ تاريخ جا حوالا موجود نه آهن

قوم - ڀاڱي جون ٻِيون داخلائون

انگريز
ثمود
ٺاڪريا
ترڪ
پٺاڻ
قوم ڀاڱي جا وڌيڪ مضمون